Amigos da Terra, a través do seu Centro IRIS de medio ambiente, forma
parte da Rede Galega de Comercio Xusto.

En Ourense, o Centro IRIS de medio ambiente é punto permanente de venta
de productos de Comercio Xusto, pero tamén pódense face-los pedidos a
través da web (www.centroiris.org). Específicamente durante esta semana
a Casa da Xuventude de Ourense, os días 15, 16, 17, 18 e 19 de decembro
organiza a Casa Solidaria xunto con outras ONGs, na que participa o
Centro IRIS de medio ambiente levando un posto con productos de Comercio
Xusto que esta
aberto tódalas tardes a partir das 17.00 h.

Por terceiro ano a Rede Galega de Comercio Xusto -Rede Xusta presenta a
súa campaña de Nadal co lema NIVELAR. Amigos da Terra (en Ourense) xunto
con Panxea (Santiago), A cova da Terra (Lugo) e Amarante (Pontevedra)
constitúen esta rede para facilitar a importación e distribución de
productos de comercio xusto en Galicia.

Os productos equiquetados e vendidos baixo a denominación Comercio Xusto
garantizanos salarios dignos para os productores, a non explotación
infantil, igualdade laboral sen discriminacións, promoven a protección e
respeto o medio ambiente na producción, e sobre todo reinvisten os
beneficios obtidos en proxectos de mellora e desenovolvemento das
comunidades e integran os traballadores e traballadoras na xestión das
suas cooperativas e empresas.

É o consumo responsable e o apoio ás comunidades do Sur o que centra, un
ano máis, a actividade da Rede Xusta. Para a Rede Xusta cando se fala de
consumo responsable nestas datas se fai moito fincapé na necesidade de
que o consumo vaia dirixido a crear unha alternativa mais xusta ó actual
modelo de comercio internacional repaldado pola Organización Mundial do
comercio e que
prexudica ós productores dos países do Sur deixando na indefensión tanto
nas vendas como nos prezos.

Para Amigos da Terra, e a Rede Xusta, este é un compromiso de todo o ano
pois se traballa pola estabilidade dos puntos de venta xerando unha
aposta pola economía social que poña no centro de atención ás persoas e
non soamente os intereses económicos, esto é poñendo o beneficio social
en
primeiro lugar.