Amigos da Terra iniciara un proxecto de protección dos bosques humidos
costeiros en Nicaragua

Amigos da Terra gracias ó Fondo Galego de Cooperación e Solidaridade*,
iniciará un proxecto de Protección dos Manglares no departamento de
Chinandega, Nicaragua, por valor de 50.000 € dos que a metade son aportados
polo Fondo.

Os manglares son ecosistemas que se caracterizan por formacións de árbores
que posúen certas adaptacións que lles permiten sobrevivir e desenvolverse
na interfase entre a terra firme e o mar aberto de zonas costeiras
tropicais. A súa importancia radica na gran riqueza biolóxica que alberga, e
a especial importancia que ten para a cría e alevinaxe de peixes e
crustáceos de gran importancia comercial.

O proxecto consiste en “desmobilizar” ós cortadores de mangle ofrecéndolles
alternativas favorables que inclúan tanto a mellora da calidade de vida como
a protección do medio ambiente. O medio para conseguilo e reconverter a súa
actividade cortadora pola pesca artesanal, de xeito non so se conseguiría
deter a actividade destructiva e favorecer la rexeneración natural e a
rehabilitación de dito ecosistemas, senón que lograrase tamén implicar ese
sector de poboación na súa protección xa que a existencia de pesca está
ligada directamente a existencia de mangle.

Para conseguir este obxectivo, Amigos da Terra en cooperación coas
autoridades locais, realizará actividades de sensibilización, formación e
capacitación pesqueira e subministrará, a todos aqueles que se comprometan a
abandonar a actividade extractiva de madeira, os aparellos de pesca e/ou
embarcacións para que poidan facer o cambio de actividade.

Con este proxecto Amigos da Terra inicia a súa andaina directa en
cooperación internacional, eido no que a súa organización matriz Amigos de
la Tierra España leva traballando dende 1994 investindo preto de 4.000.000 €
en distintos proxecto en Nicaragua, Costa Rica, México, Colombia, Venezuela
e Paraguai. Coa labor de cooperación preténdese dar a coñecer en Galicia a
visión da cooperación na que plantexan o medio ambiente non como un
obstáculo para conseguir o Desenvolvemento, senón todo o contrario, facendo
ver que o medio ambiente pode ser o motor co que lograr mudar cara unha
mellor calidade de vida e unha mellora social e económica das poboacións en
vías de desenvolvemento de xeito sustentable.

*O Fondo Galego de Cooperación e Solidariedade está conformado por
diferentes concellos e deputacións de Galicia e naceu como unha asociación
voluntaria de municipios para xuntar e coordinar as políticas de cooperación
dos entes locais galegos. http://www.igadi.org/index.html