AXUDA A VIVIR: DOA SANGUE E PRANTA UNHA ÁRBORE" CATRO ANOS DE ESFORZOS
RECUPERANDO A VIDA

O Centro IRIS de medio ambiente, que depende da asociación Amigos da Terra,
e o Centro de Transfusión de Galicia organizan por cuarto ano consecutivo a
campaña "Axuda a vivir: doa sangue e pranta unha árbore". A idea desta
iniciativa xurdiu no ano 2000 froito de dúas grandes preocupacións que
vivimos na actualidade.

Como todos/as sabemos, os índices de incendios forestais están a aumentar
dun modo alarmante nos meses de verán, e dunha forma moi destacada na
provincia de Ourense. Por outro lado, unha das graves problemáticas que
suceden durante estes dous meses é que os índices de doazóns de sangue
baixan de maneira desproporcionada, paradóxicamente na época na que fai máis
falta debido ó aumento do número de accidentes. É por iso polo que a través
desta campaña, pretendemos sensibilizar á poboación ourensá sobre estas dúas
temáticas, e facela formar parte activa na recuperación da vida. Deste modo,
por cada persoa que se aproxime entre os días 18 e 21 de agosto a doar
sangue á unidade móvil do Centro de Transfusión, prantaremos entre novembro
e febreiro, unha árbore autóctona nalgún bosque afectado polos incendios.

MÉRCORES 18: Barrio do Couto, Rúa Vila Real, Nº 6, entrada ó colexio "Santo
Ángel".
XOVES 19: Xardín do Posío, Rúa Coruña.
VENRES 20: Rúa do Paseo, diante da "IBENSE".
SÁBADO 21: Centro Comercial "Ponte Vella".