Cooperación ao desenvolvemento dende o eido ambiental

Dende o 23 ao 26 de novembro, o Centro de Educación Ambiental das Corcerizas
(Vilar de Barrio), na serra de San Mamede, vai acoller o primeiro seminario
sobre Cooperación ao Desenvolvemento no Eido Medioambiental. Nel poden
participar ata un máximo de 25 persoas e trátase de analizar e debater a
relación entre a cooperación internacional e o desenvolvemento ambiental.

As principais charlas versarán arredor da situación actual da cooperación
internacional e o medio, a integración deste último nos programas de
cooperación internacional, a inclusión do medio nos programas de cooperación
e a experiencia neste eido da asociación Amigos de la Tierra, entidade que
ademais organiza o seminario.

Ademais dos debates e dunha ruta de camiñada para pechar as xornadas, este
seminario contará con tres grupos de traballo que analizarán e valorarán A
necesidade de financiamento do proxecto medioambiental, O medioambiente
transversal ou central e As repercusións ambientais dos proxectos de
cooperación.