Amigos da Terra reclama cambios lexislativos para poñer fin á "impunidade
legal" dos maltratadores dos animais

Amigos da Terra reclamou hoxe un cambio lexislativo que poña fin á
"impunidade legal" dos maltratadores dos animais, unha xornada antes da
celebración do Día Internacional dos Dereitos dos Animais, que se conmemora
mañá, ao que a organización quere sumarse como medio de protesta sobre a
realidade de maltrato dos animais, á que se lle fai "caso omiso".
Nun comunicado, Amigos da Terra advertiu de que "existen realidades
lamentables por todos
coñecidas pero non hai unha resposta", xa que a suma da inactividade
engádeselle a impunidade legal dos maltratadotes de animais.

Por iso, recalcou a necesidade de modificacións na lei que acaben cos abusos
"máis crueis e moralmente reprochables ós que se ven sometidos os animais".
Ademais, engadiu o feito de que España "ten a merecida reputación de ser un
dos países máis crueis e insensibles" ao respecto, xa que as leis relativas
á protección de animais domésticos restrínxese ó ámbito das comunidades
autónomas, e algunhas, incluso, carecen delas.

Amigos da Terra sinalou que non ter ós animais en conta simplemente por que
non pertencen á especie humana supón "unha forma de discriminación
inxustificada". "Teñen a capacidade de sentir e padecer coma nós", declarou
a avogada do Centro IRIS de Medioambiente Montse Valencia.
Polo que respecta a Galicia, a organización sinalou que existen "variados
exemplos" de como os animais son "víctimas inxustificadas do capricho do
home: zoolóxicos en estados lamentables, sobreexplotacións en granxas,
circos, tauromaquia, celebración de festas populares co emprego de animais,
abandonos, fomento de pelexas entre cans, maltratos físicos, etcétera".