A asociación ecoloxista quere dar as grazas ás persoas que se achegan
a súa sede e ofrecen parte do seu tempo para participar nas
actividades ambientais que se organizan.

Este día representa unha oportunidade para as organizacións de
voluntariado e para os propios voluntarios, de que se recoñeza o
esforzo aportado para a materialización de diferentes tarefas en
diferentes eidos.

A Universidade Complutense de Madrid ven de confeccionar un estudo
baseado nas enquisas realizadas ao 100% dos voluntarios e voluntarias
de Amigos da Terra, cuxo obxectivo foi a avaliación dunha serie de
factores psicosociais de permanencia.

Este informe sostén que as motivacións que levan aos voluntarios a
achegarse a asociación responde a diferentes criterios. Así, pode ser
que as persoas mostren aparentemente unha razón similar pero sendo
despois moi distintas as causas que os levaron a facer voluntariado
ambiental.

Do 100% dos voluntarios enquisados de AdT, a motivación máis defendida
e o "Coñecemento", como a búsqueda para satisfacer a necesidade de
aprender novas experiencias e ter oportunidade de exercitar
coñecementos e habilidades, e a "Mellora de estado de ánimo", para
satisfacer a necesidade de lograr un crecemento e desenrolo persoal.

En canto ás características da actividade desenvolta, os traballos de
investigación feitos pola Universidade, poñen de manifesto que a
satisfacción das necesidades que motivan á xente a ser e manterse como
voluntarios depende das oportunidades de traballo dispoñibles para o
voluntariado. Si os postos teñen unha alta potencialidade de
satisfacer estas necesidades, os voluntarios terán altos niveis de
satisfacción.

A través dos items se avaliaron unha serie de aspectos das tarefas
desenvoltas como a variedade de habilidades, a autonomía, a
retroalimentación do posto e de axentes, o contacto social, o
significado da tarefa ou a claridade.

Tamén se avaliou a satisfacción en relación á xestión da organización
derivada da acollida e relacionada coa recepción do voluntario na
organización. A media final para Amigos da Terra foi de 5,80 sobre 7,
sendo esta a total satisfacción. Tamén foi un aprobado amplo de 5,02
sobre 7 en canto ao compromiso organizacional, entendendo este como a
crenza dos individuos nos valores e metas da organización e desexo de
permacener como membro da mesma.

Non debe esquecerse que o voluntariado é un sector de actividade cunha
enorme incidencia no desenvolvemento das sociedades e colectivos máis
desfavorecidos.

Polo tanto, durante todo o ano, aínda que especialmente hoxe, desde
Amigos da Terra agradecemos a labor levada a cabo polos achegados á
entidade ao longo de todos estes anos.