Kara BYT,

Vu certe esas grandaparte justa, ma ico ne impedas ke la princeto tradukesis a
la Latina e ke dum la Mezepoko, ed etiam* ankore nun multa originala verki
redaktesis en la Latina. Kompreneble, oli ne esas en la pura Cicero-ala Latina
ma en plu simpla e tamen korekta idiomo. Tandem, la Israelani sucesis rivivigar
la Hebrea, mem se lia moderna Hebrea esas plu simpla kam la klasika anciena.
Simila fenomeno eventas en la Araba landi, ube por interkomprenar la Arabi uzas
kelke simpligita e modernigita formo dil klasika Araba linguo. La moderna
parolata dialekti nacionala di la Araba esas tam diferanta de la klasika Araba
kam la latinida lingui esas diferanta de la Latina. Tamen, Arabi qui iris a
skolo ed havis la posibleso lernar skribar e lektar ita klasika idiomo, povas
interkomprenar de Maroko til Irak. Ed ica "nova" anciena klasika Araba linguo
uzesas sempre plu che la informili.
Koncerne Ido, ol certe esas multe plu facile uzebla e lernebla instrumento kam
la Latina, ma la problemo esas la Idistaro. La maxim produktema Idisti,
duminstante, t.e. Fernando Tejon e me, nule egardesas dal Idisti. On akuzas la
unesma facar "domajiva" tradukuri de granda literaturala verki e men on ignoras
komplete. Ico, nule esas kurajigiva. Dum ke homi qui facas nulo, o facas
plumpaji, o facas tradukuri multe min interesiva e plu "domajiva" kam olti di
Fernando grande egardesas e honorumizesas. Tale ni ne povas progresar malgre
l'ecelanteso di nia kara idiomo. Kad esas moyeno por igar la Idistaro plu
sencoza ? JM

>>> bebson@... 01/10/06 23h51 >>>
=========================================================================
Sro Jean MARTIGNON: E me dicas: Felix qui potuit rerum cognoscere causas.
=========================================================================
From: "Jean-Claude MARTIGNON" <jc.martignon@...>
Date: Sat Sep 30, 2006 8:08 pm
Subject: Kad Ido povus remplasar la Latina ?
Che IdoLerneyo: http://groups.yahoo.com/group/idolerneyo/
Che IdoStab: http://tech.groups.yahoo.com/group/idostab/

> Me ne povas respondizar ica questiono. Ma Ido esas multe plu facile
> lernebla e parolebla kam la Latina. Regretinde, Ido indijas la vasta
> kulturo e la eminenti quin la Latina juas.

Me savas ke .....
Soldati kun armo povoza ma desfacile uzebla ne facile povas tra'vivar sua
kombat'agro dum ke mem plebeyala soldati kun simpla armo ma facile uzebla
e suficante efikiva stranje destinesas tra'vivar multa danjeroza situesi.


Me dicas ke .....
Etiam* kande Kikero (Cicer^o) skribadis en la tre bela Latina, la plebeyi
ne povis imitar lo e fabrikadis plu facile uzebla Latina por expresar si.


Me konkluzas ke .....
Quale tre bele dicas Sro Ganc,alo NEVES' anke me pensas ke onu povas uzar
la Latina generale nur pasive quale kom roboto onu reaktas kontre impulsi
ma ne aktive por improvize produktar fresha muziko per la klasika Latina.

-------------------------------------------------------------------------
Adio [A-diyo] ed anke Adeo [a-De-o]! .....sincere via, vua ed anke tua
B.Y.T. .....Idisto ed Idiotisto pro mea nur limitizita e povra edukado
ed anke ....Ido-Kavaliero per bona oreli vice mea skarsa e povra cerebro
Ido-Kurso.: http://www.geocities.com/bebsonido/
IdoLerneyo: http://groups.yahoo.com/group/idolerneyo/
LiveJournal.com: http://www.livejournal.com/users/bebson/
Ido-Biblioteko (Sro FT).: http://es.geocities.com/krayono/publikaji.html
*************************************************************************
Omnu deziras e darfas agar segun sua propra deziro dum ke mencho ne povas
sequar sua propra deziro kande altri expektas lu kondutar segun sua devo.
*************************************************************************




Stabila Ido, sekureso por longa vivo di la movemento.

Se vu volas lektar texti pri omna temi en Ido, voluntez abonar KURIERO
INTERNACIONA qua publikigesas ye singla trimestro e di qua la yarala abono
kustas po 10 euri.

Yahoo! Groups Links