[III.VII.MMVII] SANTA TOMASO
Inter omna apostoli, Tomaso esas ilta quan multa homi prizas havar kom
modelo. "Me esas quale santa Tomaso, me kredos nur kande me vidos". Ni
konocas lua nekredema e "pozitivista" posturo, nome ye la Pasko-dio,
kande la dek apostoli raportas a lu la aparo di Iesus, il refuzas kredar
tam longatempe kam il ne tushabos per lua fingri la trui produktita per
la klovi. Lore, Iesus, ok dii plu tarde, aparas a Tomaso e dicas a lu
: "Ne plus esez nekredema, tu esez kredanto." Raportesas ke Tomaso cesas
esar nekredanto. Il prosternas e adorar Kristo sen pozar sua fingri en
la plagi di Nia Sinioro. La tradiciono savigas da ni ke il iris por
evangeliizar Malabar, Indiana litoro jacanta sudweste de Deccan, ube 750
000 Kristani, ankore nun, deklaras esar lua adheranti, per celebrar la
meso segun Kaldeana rituo ed uzanta Siriala dialekto kom liturgiala
linguo. Marco Polo, ye la XIIIma yarcento aludas ica apostoleso. Onu
rakontas anke ke Tomaso vizitis la tri maga reji veninta adorar Iesus en
Bethleem e ke il docis a li la Kristana fido e baptis li. Pro ke il
produktis problemi a la pagana sacerdoti, il perforesas per flecho e
stonagesas en Madras en la yaro 72. Lua kadavro retroduktesos ad Edessa
ye la IIIma yarcento, e pose, ad Ortona an la Adriatika maro en 1258.

PIA DIO-PENSO :

"Felica esas ti qui kredas sen antee vidir".

(Segun la gratuita diala jurnalo MATIN PLUS. Artiklo da Defendente
GENOLINI)



Someral' vespero, - krepuskulo-horo. -
Tenerema vento - movas birk-arboro. -
Inter lua branchi - disko yen lunala. -
Nubi parte kovras - lua lumo pala. - Ma
se luno-brilo - povas aparar, - la
jasmino blanka - semblas radiar.