.../...

E la Gerenniana kavalkisto Nestor respondis a lu :
Ho amiko mea, tu memorigas da me malaji quin ni, filii nedomtebla dil Akhaiani,
ni subisis che la Troiana populo, sive per persequar nia kaptajo, sur nia navi,
tra la maro obskura, e guidata da Akhillevs, sive per kombatar cirkum la grand
urbo di Rejo Priamos, ibe ube tante ecelanta militisti mortigesis. Ibe esas la
loko ube jacas la brava Aias, ed Akhillevs, e Patroklos simila a la Dei per la
sajeso, e mea amata filiulo Antilokhos, robusta e nereprochinda, il esis habila
por kurar e kurajoza por kombatar. E ni subisis anke mult altra malaji, e nulu,
inter la mortiva homi, povus raportar oli omna. Same tu povus restar hike e
questionar me dum kin o sis yari, tu tamen retroirus, plena de tristeso en la
lando dil patrio, ante savar omna malaji subisata dal deala Akhaiani. Nome, dum
non yari, ni siejis Troie per mil ruzi, e la Kronion donis a ni la vinko nur
penoze. Ibe, nulu egalesis irgatempe la deala Odissevs per la sajeso, nam tua
patro dominacis omni per lua sennombra ruzi se vere tu esas lua filiulo.

(Duro sequos)

[Se han eliminado los trozos de este mensaje que no contenían texto]