SANTA LUCIANUS
Kom sacerdoto di Roma, Lucianus sendesis a Gallia por anuncar la Evangelio.
Forsan il akompanis Dionisius, Quentinus, e mult altra sacerdoti ed episkopi
qui, cetere, mortos omna kom martiri. Lucianus livas sua amiki en la cirkumajo
di Paris ed adiras la regiono di Beauvais. Lua diskursi sucesas konvertar multa
pagani. Ma l'imperiestro Diokletianus organizas severa persekuto kontre la
Kristani. Lucianus e lua du kompanuli, Maximianus e Iulianus, arestesas. Omna
tri senkapigesas pos esir violentoze flogata. Ica exekuto eventas ye "quar milii
cirkume" de Beauvais, en la loko nomizita Montmille. Il enterigesas, pose, en la
loko ube stacas la baziliko qua havas la sama nomo kam lu. Ni esas lore en la
yaro 290. Ja, hiere, la Eklezio celebris altra Lucianus, sacerdoto di Antiokhos,
qua martirigesos duadek-e-du yari plu tarde, ye la 7ma di januaro 312, en
Nikomedia, segun la imperi dal sama imperiestro. Ye singla questiono quan on
pozas a lu dum tormento, il nur respondas : "Kristano, me esas !" Iracegiganta
paroli a la tormentisti ! Lua kulto esas tre granda en Oriento. Il pasabis lua
tota vivo tradukar la Biblo de la Hebrea a la Greka. Santa Hieronimus utiligos
granda parto de lua laboro.


PIA DIO-PENSO :
"La sango dil martiri esas semino de Kristani." (Tertullianus)
"Me ne tacos, ho Sinioro Deo, pri tua benigneso e tua vereso." (psalmo 39)


RUBRIKO EXTRAKTITA DE LA GRATUITA DIALA JURNALO "MATIN PLUS" E REDAKTITA DA
DEFENDENTE GENOLINI.


Matinala kloko havas oro en la boko.
Mala vetero ne duras eterne.
Omnu havas sua propra gusto.
Qua multe babilas poke pensas.
La absento sempre nejustesas.
Al felico mem hanulo donas ovi.

[Se han eliminado los trozos de este mensaje que no contenían texto]