Estimata samforumani:

Quale vi omna savas, la forumo IdoCatalaOccitan
restas de sempre apertita ad irga Idisti od Ido-uzanti,
qui vere interesesas pri nia helpo-linguo internaciona...

Esus ya bona ke ni omna, l'Idistaro e l'Ido-uzantaro,
povus kunexistar senprobleme che Idolisto,
nia chefa e maxim grava Ido-forumo...
Tamen, se to esas advere tote ne-posibla...
(e nun komencas mea ideo demonoza),
me deziras propozar a vi lo sequanta:

Quoniam, de tempo a tempo, hike, che IdoCatalaOccitan,
onu skribas pri kelka samideani, qui ne esas ICO-membri,
e quoniam ni ne certesas, ka li kustumale vizitas nia forumo
e do lektas to quon onu skribas pri li...

Pro quo ne invitar ta samideani membreskar ICO
e partoprenar ol per lia mesaji?
Me volunte invitus aden IdoCatalaOccitan,
omna ti quin vi prizus havar kom samforumani
por ke vi dicez a li, direte, irgo quon vi deziras,
vice agar ne-direte e senfrukte quale til nun...

Do, voluntez dicar a me kelka nomi di Idisti od Ido-uzanti
por ke me povez invitar li membreskar IdoCatalaOccitan:
Ka James Chandler, Frank Kasper, Hans Stuifbergen,
Jacques Dehée, Arto Moisio, Pilar Gómez, Gabriel Svoboda?
Kad ulu altra?
Ne omnu, kompreneble, ma forsan ulu aceptos nia invitajo!

Quon vi pridicas? Kad ideo demonoza?

ICO invitas membreskar...


P A R T A K A
* * * * * * * * *