Ye la 3ma di aprilo 2008.

Dio di santa Iosefus l'himnografiisto.

DIO-PROVERBO / Preferez skribar a tro multe lektar !

ZODIAKO / En la zodiako-signo dil Arieto guvernata dal planeto Marso.

VETERO / Grizeta cielo, cajorne, en Francilia.

KONCIZE

UNIONITA REJIO / RAPORTO REKOMENDAS LIMITIZAR LA ENMIGRADO
Britaniana deputiti opinionas, segun raporto publikigita prehiere, ke la
enmigrado ne esis profitoza a la ekonomio di Unionita Rejio. Konseque,
ita komisitaro demandas limitizo di ta enmigrado, qui superiris 300 000
enirinta personi en 2006, opoze a 100 000 enirinti dum la yari 1990.

NEPAL / TIBETANI MANIFESTAS EN KATMANDU
La Nepalana policani interpelis, hiere, 53 Tibetani, inter li esis
regulieri, qui manifestis opoze a la ambasaderio di Chinia en Katmandu.
La manifestanti postulis "la fino dil ocidado" en Tibet. La Nepalana
autoritatozi qui agnoskas la suvereneso dil guvernerio di Beijing
(Pekino) ye ita regiono, gastigas 20 000 refujinti di ta Chiniana
provinco.

CHIPRO / TRANSIRO-LOKO ESAS APERTOTA CADIE INTER LA DU PARTI DE CA
INSULO
La Chiprana autoritatozi preparis su, hiere, apertigar transiro-loko
meze di Nikosia, olqua esas la lasta partigita chefurbo en la mondo. Ico
esas simbolatra etapo en la esforci di riunigo di ta insulo partigita
depos 1974 ye Turka stato e ye Greka stato.

Kordiala interretala saluti ad omni. JM :::-:::

Someral' vespero, - krepuskulo-horo. -
Tenerema vento - movas birk-arboro. -
Inter lua branchi - disko yen lunala. -
Nubi parte kovras - lua lumo pala. - Ma
se luno-brilo - povas aparar, - la
jasmino blanka - semblas radiar.