Estimata samideani:

Ultre helpar kreskigar nia komuna Wikipedio per Ido,
esus anke konvenanta, ke ni omna atencus pri nia
landal Wikipedii, e helpus difuzar admaxime nia
linguo internaciona, singlu ek ni per nia propra
matro-linguo, od irg altra linguo quan ni parkonocas.

Voluntez vizitar, che Ido-Wikipedio, l'artiklo
titulizita
"Ido", e lektar ad-sinistre, che la seciono "altra
lingui",
la nomo di singla idiomo qua relatas ol per ligilo:

http://io.wikipedia.org/wiki/ido

Ni ya povas plugrandeskar e plubonigar kelki ek la iba
artikli pri Ido, ne nur per plusa direta informaji, ma

anke per krear facile nova extera ligili relatanta.

Ultre lo, mankas ibe irg informo pri Ido en certena
lingui, qui ya posedas sua propra Wikipedio, e di qui
ni havas ula reprezentanti che Idia: Luxemburgiana,
Ukrainiana, Okcitana, Frisiana, Galisiana, Bretona,
Walona, edc.

Ni difuzez admaxime Ido per la tota Wikipediaro!
Maxim amikal saluto a vi omna!


P A R T A K A






Maxim kordial bonveno aden IDO-CATALA-OCCITAN!
http://es.groups.yahoo.com/group/IdoCatalaOccitan/



______________________________________________
Renovamos el Correo Yahoo!: ¡250 MB GRATIS!
Nuevos servicios, más seguridad
http://correo.yahoo.es