Estimata samesquadani:

Yen informo pri l'aktiveso dil forumo IdoCatalaOccitan
dum la pasinta monato januaro:


Monato: ------------------------- Januaro
Membri: ------------------------- 38
Nova membri: -------------------- 1
Partopreninti: -------------------- 12
Mesaji: ------------------------- 110 (valida mesaji: 109)
Maxim aktiva dio: ---------------- Ye l' 21ma (mesaji: 12)


Danko pro via kontributado, e til nova informo!


* * * * * * * *
p a r t a k a
* * * * * * * *

Maxim kordial saluto, ICOanaro!

Por saveskar qua esas Idomenevs (Idomeneus, Idomeneo),
ta sorto ek patriarka "Ido-pioniro", qua citesas en la
suba texto de L'ODISEO da HOMEROS (e MARTIGNON),
voluntez enirar, por exemplo, la wikipedio en l'Italiana:
(quoniam l'artiklo pri Idomeneo existas nek en Ido,
nek en la Kataluna, nek en l'Okcitana)

http://it.wikipedia.org/wiki/Idomeneo

Fakte, se vi deziras lo, vi povos lektar iba texto pri Idomeneo
anke en altra ligui, nome Franca, Hispana, Angla, Germana,
Rusa, Greka, Latina, Nederlandana, Sueda, Finlandana, edc.

Kurajo ed adavane, Idomeneo!


P A R T A K A
* * * * * * * * *


--- En IdoCatalaOccitan@yahoogroups.com, "Martignon"
<martignon.jean@...> skribis:

.../...

Lore  sonora vento sufleskis ; e nia navi trairinte rapide la fishoza voyi,
arivis dumnokte en
Geraistos ; ed ibe, pos trairir la granda maro, ni bruligis por Poseidaon
grandanombra
kruri de tauri. Ye la quaresma dio, la egala navi e la kompanuli dil
kaval-domtero Tydeide
Diomedes haltis en Argos, ma me pludurigis mea voyirado a Pylos, e la vento ne
cesis
depos ke Deo permisis a lu suflar. Tale me arivis, ho kara filiulo, dum ke me ne
savis qui,
inter la Akhaiani, salvesis o perisis. Ma to quon me saveskis, juante quieteso
en mea domi,
lore esas yusta ke tu informesez pri lo, e me ne celos ico a tu. Onu dicas ke la
glorioza
filiulo dil grandanma Akhillevs retroduktis a sekura loko la Myrmidoni, qui esas
habila
manuagar lanci. Filoktetes, la glorioza filiulo di Paian anke retroduktis lua
kompanuli, e
Idomenevs akompanis a Kretia lua kompanuli posvivinta la milito, e la maro
perdigis nulu
de li ad ilu.

(Duro sequos)

SANTA MARCELA (325-410)
El esis nobela Damo Romana qua, kom la unesma, audacis publike deklarar su kom
devocoza persono. Pro ke el esis bela, richa e kulturoza, nulu havis la kurajo
mokar el. En 410, lor la invado di Roma dal Germanala barbara trupi di rejo
Alarikus, la Gota soldati frapis el por saveskar ube elu celabis elua richaji.
El ne povis respondar, nam el renuncabis oli depos longa tempo. El mortis pro la
konsequo dil frapi. El evis lore 85 yari.

[Segun interretala pagino]

[Se han eliminado los trozos de este mensaje que no contenían texto]

Bona vespero ad omnu!

Por ti qui su interesas
pri la linguo e la kulturo
Kataluna ed Okcitana,
me deziras rekomendar,
ankor un plusa foyo,
paro de ret-situi:

http://pagesperso-orange.fr/christian.esteve/ocmenu.htm
(Kun fundo muzikal tre prizata da Robert) ;-)

http://membres.lycos.fr/occitancatala/
(Voluntez kliktar sur la reda mapo)

+ Catalans i Occitans, cosins germans.

Bon voyajo e til balde!


* * * * * * * *
p a r t a k a
* * * * * * * *

.../...

Lore  sonora vento sufleskis ; e nia navi trairinte rapide la fishoza voyi,
arivis dumnokte en Geraistos ; ed ibe, pos trairir la granda maro, ni bruligis
por Poseidaon grandanombra kruri de tauri. Ye la quaresma dio, la egala navi e
la kompanuli dil kaval-domtero Tydeide Diomedes haltis en Argos, ma me
pludurigis mea voyirado a Pylos, e la vento ne cesis depos ke Deo permisis a lu
suflar. Tale me arivis, ho kara filiulo, dum ke me ne savis qui, inter la
Akhaiani, salvesis o perisis. Ma to quon me saveskis, juante quieteso en mea
domi, lore esas yusta ke tu informesez pri lo, e me ne celos ico a tu. Onu dicas
ke la glorioza filiulo dil grandanma Akhillevs retroduktis a sekura loko la
Myrmidoni, qui esas habila manuagar lanci. Filoktetes, la glorioza filiulo di
Paian anke retroduktis lua kompanuli, e Idomenevs akompanis a Kretia lua
kompanuli posvivinta la milito, e la maro perdigis nulu de li ad ilu.

(Duro sequos)

[Se han eliminado los trozos de este mensaje que no contenían texto]

(Mesajo da Kiran Annavarapu, che Linguolisto)


Recente, en la grupo posta_Mundi on trovas
interesiva diskuto pri vorti quale bosko, foresto,
silvo, junglo, e. c., qui povas havar simila senso.
Hike me nur komentas pri la vorto junglo, qua
venas del vorto "jungle" del angla ed franca lingui.
Segun Webster's Collegiate Dictionary (5ma edituro),
lua origino es de la Hindi linguo, ed ta vorto venas
de "jangala" de la Sanskrit. Tale, on trovas exemplo
di vorto-radiko de la Hindi ed Sanskrit lingui en nia
linguo internaciona.

Kordiala saluti,
Kiran

E nun, estimati,
yen ke nia samideano, Adrián Pastrana,
jus enretigabas plusa numero interesantega
dil antiqua revuo "Laboro":

"Laboro", numero 20

(Marto-Aprilo 1914)

Voluntez deskargar, lektar e juar ica Ido-juvelo
per kliktar sur la ligilo quan me inkluzis
en mea suba mesajo.

Granda gratuli
e plu kam 126.000 danki ad Adrián! ;-)


P A R T A K A
* * * * * * * * *


--- Partaka <qualevistandas@...> skribis:

Bon jorno, samplanetani!

A ti qui prizis la laboro dil revuo "Laboro",
editita en Hispania dum l'unesma yari
dil yarcento XX, me rekomendas lektar
plusa numeri, qui recente enretigesis
da nia kompano Adrián Pastrana, hike:

http://es.geocities.com/kanaria1973/laboro.html

Es advere impresanta lektar ulo skribita en Ido
di preske un yarcento ante nun, e konstatar
ke, malgre omno, la linguo apen' chanjis,
quo permisas facile parkomprenar lo lektata ibe.

Maxim bona "Laboro", e til nova komuniko!


P A R T A K A
* * * * * * * * *

--

http://es.groups.yahoo.com/group/posta_Mundi -
http://es.groups.yahoo.com/group/IdoCatalaOccitan -




______________________________________________
¿Con Mascota por primera vez? Sé un mejor Amigo. Entra en Yahoo! Respuestas
http://es.answers.yahoo.com/info/welcome

SANTULO GILDAS
Ita Bretona santulo (+570) naskis en Skotia ye la fino dil Vma yarcento, dum la
yaro kande la Romanigita Kelti vinkis la Saxona invaderi. Il studiis en
monakerio di Wals e, pose, evangeliizis sua samlandani Britana. Il predikis anke
en Irlando e fine arivis a Bretonia (mikra kontinentala Britania) ube il vivos
kom ermito e transmondeskos ibe. Tre emocita pro la disfalo dil Romana civilizo
sub la frapi dal Saxona invaderi, il redaktos la libro "Pri la ruino di
Britania". Ica verko esos famoza dum la tota Mezepoko.

[Segun interretala pagino]

[Se han eliminado los trozos de este mensaje que no contenían texto]

Dio di santulo Gildas.

DIO-PROVERBO / Vakua spiko maxim alte su tenas.

ZODIAKO / En la zodiako-signo dil Varsero guvernata dal planeto Urano

VETERO / Griza ed humide kolda vetero, cajorne, en Francilia.

KONCIZE

USA / APOGO DA EDWARD KENNEDY
La patriarko dil Kennedy-klano, adportis, hiere, lua apogo a la kandidateso di
Barack Obama por la investo demokrata koncerne la prezidantala elekto Usana dum
multigar la referi a lua fratulo, la asasinata prezidanto John Kennedy. Il
salutis la "granda inteligenteso", "la nefatigebla habileso" e la "efikiveso"
dil kandidato.

IRAN / PLUSA REZOLVO DA UN/ONU
Ol posibligus samatempe igar plu severa la nuna punisi e apertar voyo ad altra
agi por kontreagar la Iranana nukleala programo, segun informo dal Usana Statala
sekretario Condoleezza Rice.

CHAD / SENDO DI TRUPI
La ministri pri Exterlandala aferi dil 27 landi di Europana Uniono aprobis,
hiere, en Bruxelles, la senfrista sendo di soldati a Chad ed ad Centrafrika. Li
instalesos an la frontieri dil Sudanana provinco Darfur. Nomizita Eufor, ita
operaco havos preske 3 700 soldati (inter li 2 100 Franci) veninta de dek-e-quar
landi e esos la maxim importanta militistala operaco di Europana Uniono exter la
Europana kontinento e sen helpo da NATO/OTAN.

Kordiala interretala saluti ad omni. JM :::-:::

[Se han eliminado los trozos de este mensaje que no contenían texto]

"Habemus LIA" (13)
===============


Quoniam la helpo-linguo selektita dal olima
Delegitaro, nome Ido, esis advere konsiderata kom un
ek le maxim favorata por fine divenar idiomo komuna
dil Uniono Europana, eventis ke granda desfido ad omno
ed ad omnu komencis genitesar e kreskar en la central
sideyo dil Idisti, qua havis la responsiveso aranjar
ed arivigar la tota dokumentaro bezonata relatanta la
linguo. On esis forte timanta, ke l’Ido-materialo
povus subisar ul “acidento”, qua sive desaparigus ol,
sive senvalidigus ol. Nula voyo semblis al chefaro
Idista esar sat sekura por prizentar tote sucesoze la
dokumentaro. Do, fine, rezolvesis lo sequanta: la
postulata Ido-materialo esos livrata persone e koram
plura homi, dum la lasta ed ultima dio posibla por
partoprenar la konkurso. Nur ica indikajo a nur kelka
Ido-amiki: ulu, transportanta la dokumentaro maxim
sekrete, arivos en “Collège de France” de pos 8 kloki,
to es, apen’ quar hori ante ke l’ Kolegio klozos
definitive sua pordi ad irga projeto vizanta divenar
komuna linguo auxiliar Europana.

Dum la tota matino, gradope, esis kreskinta
l’expektado, e la cirkumaji dil “Collège” esis ganinta
publiko omna-speca, qua esis kurioza saveskar kad Ido,
fine, atingos la mikra skopo duktant a sua granda e
vera skopo…
Kande l’indexi dil horloji desegnis 11 kloki e duimo,
e l’unika historIAL mankanta duris sen aparar, anke
kreskis admaxime la nervozeso dil Idistaro asemblita
ibe, maxim aparte kande dis-savigesis del sideyo
Idista, ke ulo grava ‘sendubte’ eventabas, nam la homo
quan li sendabas kun la tota materialo Idal, mustis
arivir en “Collège de France” ye 8 kloki 45 minuti,
proxime, por livrar olta persone, segun omno quon li
previdabas.
Malgre tanta desfido, nula quika reakto esis ja
posibla dal Idistestri por arivigar en Paris,
justa-tempe, nova dokumentaro qua permisus ad Ido,
adminime, ne perdar la chanco partoprenar la konkurso
dil projeto KLAE.


[…]

- -- --- ---- ----- ------ -------


Saluti e til balde!


P A R T A K A
* * * * * * * * *

--



http://es.groups.yahoo.com/group/posta_Mundi -
http://es.groups.yahoo.com/group/IdoCatalaOccitan -



______________________________________________
¿Con Mascota por primera vez? Sé un mejor Amigo. Entra en Yahoo! Respuestas
http://es.answers.yahoo.com/info/welcome

Maxim kordial saluto, Claudio!

Bonvenez en la forumo IdoCatalaOccitan!

Me joyas ke tu adheris a nia grupo,
ma esas ulo maxim importanta
quon tu devas atencar:
Diferante kam posta_Mundi,
listo en qua on darfas uzar plura LIA-sistemi,
IdoCatalaOccitan esas Ido-forumo
konsakrata a difuzar nur la helpo-linguo Ido.

Quale on povas lektar en nia frontispico,
hike, on povas skribar sive en Ido pri irga temo,
sive en "Català" od "Occitan" pri temo relatanta Ido.
Nul altra linguo natural od artifical esas permisata:
che IdoCatalaOccitan, nur Ido, Català ed Occitan.

+ Gràcies a tu, Claudio, per la teua adhesió al nostre grup!
+ Fins ben tost!


* * * * * * * *
p a r t a k a
* * * * * * * *


--- En IdoCatalaOccitan@yahoogroups.com,
<claudiomarcon2@...> skribis:

gratias per la acceptation de mi subscription
salute
claudio marcon

gratias per la acceptation de mi subscription
salute
claudio marcon

[Se han eliminado los trozos de este mensaje que no contenían texto]

SANTULO THOMAS DI AQUINO (1228-1274)
Il nomizesis la "anjelatra doktoro" pro la santeso di lua vivo. Kom
dominikano e doktoro dil Eklezio, il konsakris lua vivo a la studiado,
ed a la docado dil filozofio e dil teologio.

[Segun la diala jurnalo LA CROIX (LA KRUCO)]


Someral' vespero, - krepuskulo-horo. -
Tenerema vento - movas birk-arboro. -
Inter lua branchi - disko yen lunala. -
Nubi parte kovras - lua lumo pala. - Ma
se luno-brilo - povas aparar, - la
jasmino blanka - semblas radiar.

Dio di santulo Thomas di Aquino.

DIO-PROVERBO / Plu bone poke ganar kam multe perdar.

ZODIAKO / En la zodiako-signo dil Varsero guvernata dal planeto Urano.

VETERO / Griza e kolda humida vetero, cajorne, en Francilia.

KONCIZE

AFGANIA / USANINO RAPTESIS EN KANDAHAR
La policano entraprezis, hiere, serchado por trovor Usanino e lua
vehisto, qui amba raptesis ye la pre-dio en Kandahar, sud-Afgania. Cyd
Mizell, evo 49 yari, e lua vehisto, laboras por la fonduro Asian Life
Development (ARDLF) di qua la centro esas en Filipini e Tailando. Ita
organizuro havas precipue kom fako la helpo por agrokultivo, por la
saneso e por la edukado. Nula deklaro dal rapto-faceri ja produktesis,
hiere.

IRAK / LA IBALA GUVERNERIO VOLAS DESAPARIGAR AL-QAIDA
Importanta rinforci ye viri e materiaro, precipue kurasizita mashini,
arivis, hiere, en Mossul, nord-Irak, ube la guvernerio impulsis la
"finala batalio" kontre Al-Qaida. La Usan armeani en Irak, entraprezas,
depos la komenco dil monato januaro, grandega atako kontre la grupi
adheranti ad Al-Qaida. Ica operaco eventas en quar provinci dil Mezo e
dil Nordo di ca lando, sub la nomo di operaco Iron Harvest.

AUSTRIA / TEMPESTO PRODUKTAS GIGANTA FLUO-PANEO
Cirkume 80 000 hemi en Stiria, sud-Austria, e 15 000 plusa domi en
Burgenlando, est-Austria, privacesis ye elektrala fluo pro venti qui
suflis ye preske 150 km/h. La aludita tempesto efektigis anke interrupto
  dil choseala e fervoyala trafiko. En Graz, sud-Austria, du personi
vundesis grave per la falo di tekto.

Kordiala interretalas saluti ad omni. JM :::-:::

Someral' vespero, - krepuskulo-horo. -
Tenerema vento - movas birk-arboro. -
Inter lua branchi - disko yen lunala. -
Nubi parte kovras - lua lumo pala. - Ma
se luno-brilo - povas aparar, - la
jasmino blanka - semblas radiar.

Tre nekustumala mesajo pri historiala fakto, ofte obliviata nunepoke. Voluntez
"click"-ar e lektar sube :

http://cf.groups.yahoo.com/group/francidol/message/4873

[Se han eliminado los trozos de este mensaje que no contenían texto]

A Pere Negre Diví
---------------

Adéu a un amic

MÉS ENLLÀ DEL DIVINIÀ

Buscàvem quatre paraules de comiat per a tu, Pere,
home de contrastos, i tu mateix ens les has
procurades:

• de Negre, obscur, fosc, sable, atzabeja, ennegrit:
LA TERRA.
• de Diví, perfecte, ideal, excel·lent, celestial,
immillorable, deliciós, exquisit, sublim: EL CEL.

I a tu t’agradava ser “EL DIVINIÀ”, el bon jan,
rialler, alegre i divertit. El positiu, amable i
generós, que sempre ens reunia al voltant d’una taula
plena de tiberi i converses, de brindis i
celebracions, de regals, detalls, anècdotes i grans
exageracions. Home de vida, sense mesura.

I com un autèntic “raça Prat”, aquest Nadal no t’has
despertat i, sense proposar-t’ho, has aconseguit que
els torrons no siguin tan dolços.

Pere, no és cap retret, és per fer-te saber que ens
dol la teva absència, que el teu testimoni de gran
dedicació a les persones que estimaves ens ha colpit;
que no vas voler ser orfe i et vas fer afillar per
dues “altres mares” que, ara, com tots nosaltres
–germans, nebots, amics i coneguts—ploren, i plorem,
la teva mort.

I estem aquí, parlant de tu en passat, i ens costa.
Se’ns fa difícil fer-nos a la idea que aquesta
separació és per sempre més.
I com que no tenim més paraules, recorrem a les del
poeta:

I quan vinga aquella hora de temença
en què s’acluquin aquests ulls humans,
obriu-me’n, Senyor, uns altres de més grans
per contemplar la vostra faç immensa.
Sia’m la mort una major naixença!

(Fragment del Cant Espiritual,
de Joan Maragall)


------------------------------


*Adeo ad amiko

TRANS “EL DIVINIÀ”

Ni esis serchanta kelka paroli por *adear tu, Pere,
homo kontrastoza, e tu ipsa furnisabas oli a ni:

• de Negre, nigra, nigroza, nigratra, nigreskanta,
obskura: TERO.
• de Diví, deal, ideal, perfekta, cielal, ecelanta,
ne-superebla, delicioza, delikatega, sublima: CIELO.

E plezis a tu esar “EL DIVINIÀ”, la bona kerlo,
ridema, gaya ed amuzanta. La homo pozitiva, afabla e
jeneroza, qua sempre asembligis ni an tablo plena de
manjaji, drinkaji e konversi, de tosti e celebri, de
donacaji, detaleti, anekdoti e granda exajeri. Homo
vivoza e sen mezuro.

E quale autentika hanulo “raso Prat”, ica matino
Kristnaskal tu ne plus vekabas, e tale tu sucesabas
mindolcigar la tipa dolcaji dil Kristnasko-festi, mem
se tote ne intencite.

Pere: ico esas nula plendo, ma nur kelko por savigar
da tu, ke tua absenteso dolorigas ni; ke tua atesto
pri granda dedikado a ti, quin tu esis estimanta,
frapabas nia kordio; ke tu ne volis divenor orfano, e
tu sucesis divenar filio di du “plusa matri”, elqui,
nun, quale ni omna –frati, nevi, amiki e
konocati—ploras pro tua transmondesko.

E, nun e hike, ni esas ‘parlanta’ pri tu en tempo
pasinta, e lo esas por ni ne-facila. Por ni, esas
advere difikulta aceptar la realajo, ke ica separeso
esos ya por sempre.
E quoniam ni ne havas plusa paroli, ni pruntas olti
del poeto:

E kande arivos mea instanto ultima,
e mea homal okuli mustos klozesar,
donez a me, Sinior’, okuli mem plu granda
por ke Tu_imensa facion me povez kontemplar.
Ke mortar esez por me un plu bon naskar!

(Fragmento de Kanto Spirital,
da Joan Maragall)


Text original en català: Rosa
Tradukuro libera aden Ido: Partaka




______________________________________________
¿Con Mascota por primera vez? Sé un mejor Amigo. Entra en Yahoo! Respuestas
http://es.answers.yahoo.com/info/welcome

+ Buna seara, Jean-Claude!

Se me juste memoras, la nomon dil chefurbo Moldava
skribesas "Chis,inau" e pronuncesas "Chishinau".
Segun semblo, che Moldavia 'parlesas' ed skribesas
en la Rumana, ma utiligante l'alfabeto Kirila, vice olta Latina.

E yes, se posibla, l'Ido-renkontro 2009 eventos en Moldavia,
e maxim probable en Chishinau (Chis,inau).

+ Mult,umesc s,i la revedere, frumós!

Tua samideanu...

Constantin PARTAKESCU
=/=


--- En IdoCatalaOccitan@yahoogroups.com, Jean Claude MARTIGNON
<martignon.jean@...> skribis:


Yo* Idistaro !

Dum ica dimezo-tempo, me iris a vesti-netigeyo en la urbo Vincennes,
nefore de mea laboreyo. Ibe la jerantino parolis - semblis a me - kun
forta Rusa acento. Me questionis elu kad el esas Rusino ? El respondis a
me ke el esas de anciena regiono Sovietala, nome Moldavia. Konseque, me
havis la okaziono parolar ad elu pri Ido e nia samideani di Moldavia.
Me ne savis quale pronuncar la nomo dil Moldaviana chefurbo ube habitas
nia samideano. El dicis a me ke on prononcas Shishinau. Tale, me esis
preske en "konoco-lando" (pays de connaissance), quale on dicas en la
Franca. El pluse dicis ke ibe ne esas maro nek montaro, ma bela peizaji,
monumenti e muzei. Anke ico esas granda chanjo kun nia west-Europala
landi, nam pro la kloziteso dil Sovietala tempo Moldavia esas tre
desmoderna ed havas tote altra vivomaniero kam nia. El dicis a me ke
esus bona organizor Ido-konfero ibe. Ma, kompreneble, ne esas me qua
decidas pri la loko ube eventas la Ido-konferi. Moldaviala saluti. JM :::-:::

Yo* Idistaro !

Dum ica dimezo-tempo, me iris a vesti-netigeyo en la urbo Vincennes,
nefore de mea laboreyo. Ibe la jerantino parolis - semblis a me - kun
forta Rusa acento. Me questionis elu kad el esas Rusino ? El respondis a
me ke el esas de anciena regiono Sovietala, nome Moldavia. Konseque, me
havis la okaziono parolar ad elu pri Ido e nia samideani di Moldavia.
Me ne savis quale pronuncar la nomo dil Moldaviana chefurbo ube habitas
nia samideano. El dicis a me ke on prononcas Shishinau. Tale, me esis
preske en "konoco-lando" (pays de connaissance), quale on dicas en la
Franca. El pluse dicis ke ibe ne esas maro nek montaro, ma bela peizaji,
monumenti e muzei. Anke ico esas granda chanjo kun nia west-Europala
landi, nam pro la kloziteso dil Sovietala tempo Moldavia esas tre
desmoderna ed havas tote altra vivomaniero kam nia. El dicis a me ke
esus bona organizor Ido-konfero ibe. Ma, kompreneble, ne esas me qua
decidas pri la loko ube eventas la Ido-konferi. Moldaviala saluti. JM ::
:-:::


Someral' vespero, - krepuskulo-horo. -
Tenerema vento - movas birk-arboro. -
Inter lua branchi - disko yen lunala. -
Nubi parte kovras - lua lumo pala. - Ma
se luno-brilo - povas aparar, - la
jasmino blanka - semblas radiar.

[Se han eliminado los trozos de este mensaje que no contenían texto]

SANTULO ANANIAS (IIma yarcento)
Il esis Kristano di Dhimashq (Damasko), lu ipsa baptis santa Paulus.
Segun tradicionala raporto, il mortabus kom martiro. On celebras ilu ye
la sama dio kande la Eklezio celebras la konverto di santa Paulus
survoye a Damasko. Lua agado esis decidigiva por la futuro dil Eklezio.

[Segun la diala jurnalo LA CROIX (LA KRUCO)]


Someral' vespero, - krepuskulo-horo. -
Tenerema vento - movas birk-arboro. -
Inter lua branchi - disko yen lunala. -
Nubi parte kovras - lua lumo pala. - Ma
se luno-brilo - povas aparar, - la
jasmino blanka - semblas radiar.

Me dankas, quankam kun tardeso, nia samideani R. Carnaghan e Gonçalo Neves pro
lia respondi a mea questioni e la informaji carelate quin li furnisis a me. Oli
esis tre utila. Amuzive, la vorto bruja (kad anke bruxa ?) pensigas da me pri
Bruxelles qua esas la administreriala chefurbo di Europa. Kad Bruxelles esas
urbo de sorcistini ? La Europa-skeptiki, lore, dicus ke ico ne esas astoniva e
ke la aranjuri e legi facita en ol esas facita da sorcistini malfacanta.
Kordiala (ne sorcistala) saluti. JM :::-:::


Matinala kloko havas oro en la boko.
Mala vetero ne duras eterne.
Omnu havas sua propra gusto.
Qua multe babilas poke pensas.
La absento sempre nejustesas.
Al felico mem hanulo donas ovi.

[Se han eliminado los trozos de este mensaje que no contenían texto]

Estimata Günter:

Danko pro informar ni pri tua translojo,
e pro fidar a ni tua nova postal adreso.

Me deziras a tu ed a tua spozino
omno bona en via futura rezideyo.

Dum tua absenteso,
ni volunte duros konsakrar ad Ido
la tempo quan tu nun indijas.

Maxim bona fortuno, e til balde, samideano!


* * * * * * * *
p a r t a k a
* * * * * * * *


--- En IdoCatalaOccitan@yahoogroups.com, Günter Anton
<guenter_anton@...> skribis:



Kar amiki,

jus nun e dum la venonta semani mea spozino e me preparas nia translojo ad en
altra
lojeyo en altra strado di nia urbo. Dum ca tempo me ne trovos suficanta tempo
por okupar
me pri Ido. De la 13ma februaro 08 mea nov adreso esos:

Günter Anton, Springstr.40, D-06366 KÖTHEN;, Germania - Mea interretal adreso ne
chanjos.

Kun kordiala saluti Günter Anton

DIO-PROVERBO / Saja nur poki.

ZODIAKO / En la zodiako-signo dil Varsero guvernata dal planeto Urano.

VETERO / Klara cielo ma kun kolda temperaturo, cajorne, en Francilia.

KONCIZE

IRAK / ALTARANGA RESPONSIVO DIL POLICO MORTIGESIS EN MOSSUL
La suocida atako imputata ad Al-Qaida efektigis 34 viktimi, segun la
maxim recenta bilanco, inter ica viktimi esis generalo Salah Muhammad
Atiya Al Juburi. Ilta esis responsiva pri la polico en la provinco
Niniva, di qua Mossul esas la chefurbo. La Usana komandeyo prizentis
Mossul quale "danjeroza baricentro" dil Irakana filialo di Al-Qaida.

RUSIA / KAD KASIANOV NE POVOS PARTOPRENAR LA PREZIDANTALA ELEKTO ?
La Rusa elektala komisitaro esas senvalidigonta la kandidateso dil
opozanto Mikhail Kassianov lor la prezidantala elekto eventonta dum la
venonta monato marto. Oficala anunco dissavigesos venonta-sundie. La
elektala komisitaro asertas ke tro multa signaturi favore a lu ne esas
valida, inter la du milion de oli qui mustas kontrolesar.

INDONEZIA / LA UCEL-GRIPO EFEKTIGIS 98ma MORTINTO
Viro evanta 30 yari, habitanta la urbo Djakarta, transmondeskis hiere
pro infekteso produktita dal viruso H5N1 dil ucel-gripo. Malgre la
kampanio por nihiligar pultri dum januaro 2007 en la regiono di Djakarta
, multa pultro-edukeyi ignoris ica aranjuro.

Kordiala interretala saluti ad omni. JM :::-:::


Someral' vespero, - krepuskulo-horo. -
Tenerema vento - movas birk-arboro. -
Inter lua branchi - disko yen lunala. -
Nubi parte kovras - lua lumo pala. - Ma
se luno-brilo - povas aparar, - la
jasmino blanka - semblas radiar.

Dio di santa Franciskus de Sales.

DIO-PROVERBO / La semblo trompas.


ZODIAKO / En la zodiako-signo dil Varsero guvernata dal planeto Urano.


VETERO / Grizeta cielo, cajorne, en Francilia.


KONCIZE


INDIA / INDIA FAVORAS FRANCIA POR RINOVIGAR LUA AVIONI "MIRAGE" 2000
La Indiana autoritatozi anuncos, morge, dum la vizito da prezidanto Sarkozius
(Sarkozy), ke li favoras la firmo Franca Thales por rinovigar lia avioni
"Mirage" 2000. La Indiana armeo aerala posedas 51 exempleri de oli. La firmala
federuro Franca qua inkluzas anke "Dassault aviation" expektis ica kontrato de
plura yari. Ol evaluesas ye 1,5 miliard euri.


IRAK / ARMI-CELEYO EXPLOZAS
Adminime 12 personi mortigesis e plu kam 130 homi vundesis, hiere, lor la
explozo di imoblo en Mossul, nord-Irak. Armeani e policani proximeskis ad ica
imoblo suspektata esar armi- e municioni-celeyo, kande ol explozis. La viktimi
esas habitanti di cirkumanta domi qui krulis.


RUSIA / MEDVEDEV PLEBICITESAS LOR OPINIONO-INQUESTI EN ICA LANDO
Ica kandidato por la prezidantala elekto Rusa, eventonta ye la 2ma di venonta
marto, qua esas viro rekomendata da Vladimir Putin, obtenas 82% de la
voto-intenci lor opiniono-inquesto efektigata dal sendependa organizuro Levada,
olqua opiniono-inquesto publikigesis hiere. La unika kandidato di la liberala
opozantaro, Mikhail Kassianov, di qua la kandidateso povus senvalidigesar motive
di konjektata fraudi, obtenus nur 1% de voto-intenci.


Kordiala interretala saluti ad omni. JM :::-:::



Someral' vespero, - krepuskulo-horo. -
Tenerema vento - movas birk-arboro. -
Inter lua branchi - disko yen lunala. -
Nubi parte kovras - lua lumo pala. - Ma
se luno-brilo - povas aparar, - la
jasmino blanka - semblas radiar.







[Se han eliminado los trozos de este mensaje que no contenían texto]

SANTA FRANCISKUS DE SALES
Il esis episkopo di Geneve ma ne darfis enirar lua diocezo qua esis
dominacita dal protestanti. Il naskis en Savoya (nuna sudest-Francia an
la Suisa frontiero) . Il esis tre benigna e tre dolca. Il studiis en
Paris ed en Padova. Ilu ordonacesis kom sacerdoto ye la evo 26 yari. Il
evangeliizis la regiono Chablais ed, evante 35 yari, nominesis kom
episkopo di Geneve. Lu laboris multe per redaktar remarkinda ed eminenta
  verki pri la pieso e la religiala vivo, pluse kun santa Ioanna de
Chantal il fondis la kongregaciono dil regulierini dil "Visitation". Il
transmondeskis en Lyon dum 1622 ed esas la santa patrono dil jurnalisti.
  Anke il esas tale por la urbi Annecy e Chambery.

[Segun la diala jurnalo LA CROIX (LA KRUCO)]


Someral' vespero, - krepuskulo-horo. -
Tenerema vento - movas birk-arboro. -
Inter lua branchi - disko yen lunala. -
Nubi parte kovras - lua lumo pala. - Ma
se luno-brilo - povas aparar, - la
jasmino blanka - semblas radiar.

Bon jorno, samplanetani!

A ti qui prizis la laboro dil revuo "Laboro",
editita en Hispania dum l'unesma yari
dil yarcento XX, me rekomendas lektar
plusa numeri, qui recente enretigesis
da nia kompano Adrián Pastrana, hike:

http://es.geocities.com/kanaria1973/laboro.html

Es advere impresanta lektar ulo skribita en Ido
di preske un yarcento ante nun, e konstatar
ke, malgre omno, la linguo apen' chanjis,
quo permisas facile parkomprenar lo lektata ibe.

Maxim bona "Laboro", e til nova komuniko!


P A R T A K A
* * * * * * * * *

--

http://es.groups.yahoo.com/group/posta_Mundi -
http://es.groups.yahoo.com/group/IdoCatalaOccitan -



______________________________________________
Web Revelación Yahoo! 2007:
Premio Favorita del Público.
http://es.promotions.yahoo.com/revelacion2007/favoritos/

Kar amiki,

jus nun e dum la venonta semani mea spozino e me preparas nia translojo ad en
altra lojeyo en altra strado di nia urbo. Dum ca tempo me ne trovos suficanta
tempo por okupar me pri Ido. De la 13ma februaro 08 mea nov adreso esos:

Günter Anton, Springstr.40, D-06366 KÖTHEN;, Germania - Mea interretal adreso ne
chanjos.

Kun kordiala saluti Günter Anton


[Se han eliminado los trozos de este mensaje que no contenían texto]

Dio di santa Barnardus.

DIO-PROVERBO / Ni prizas la saneso falint' en maladeso.

ZODIAKO / En la zodiako-signo dil Varsero guvernata dal planeto Saturno.


VETERO / Koldeta vetero, cajorne, en Francilia.

KONCIZE

EUROPA / MUSHARRAF VOLAS QUIETIGAR PRI LA NUKLEALA ARMI
Segun la Pakistanana Statestro, Pervez Musharraf, qua esis, hiere, en
Francia, la nukleala armi quin lua lando disponas ne povas "falar aden
maligna manui". Por ke la extremista Mohamedisti kaptez olu, oportus,
segun il, ke al-Qaida e la talibani "sucesez parvinkar la Pakistanana
armeo", o mem ke extremista Mohamedista partiso obtenez la vinko lor la
deputital elekto eventonta dum venonta februaro.

PROXIMA-ORIENTO / AFRONTI EN RAFAH
Dum ke Israel minfortigis la blokuso impozata de kin dii en la areo di
Gaza, Palestinana manifestanti probis forsar la paseyo di Rafah, inter
Egiptia e la areo di Gaza. Quar Palestinani ed un Egiptiano vundesis lor
  ambalatera pafado. La Sekureso-Konsilantaro di UN/ONU  asemblesis
urjante, hiere, por parolar pri la humanala situeso en la Gaza-areo.

UNIONITA REJIO / SUPERCHARJITA FURTISTO ADVOKAS TAXI-VEHISTO
En London, dom-furtisto qua esis supercharjita per la pezo dil objekti
quin lu jus furtabis (ye totala valoro de 4700 euri) uzis la telefonilo
dil domo quan lu "vizitis" por advokar taxi-vehisto. Ica ocierulo
arestesis ed enkarcerigis. La habiteyo-proprietero viktima di ca
misagado, preferis ridar pri ca fakto kam iraceskar.

Kordiala interretala saluti ad omni. JM :::-:::

Someral' vespero, - krepuskulo-horo. -
Tenerema vento - movas birk-arboro. -
Inter lua branchi - disko yen lunala. -
Nubi parte kovras - lua lumo pala. - Ma
se luno-brilo - povas aparar, - la
jasmino blanka - semblas radiar.

(Da Eberhard ed Idoamiki Berlin, che Idolisto)


La GIS, la Idoamiki Berlin e kelka Idisti privata
recevis multa kondoli dum pasinta dii.
Ni dankas omni skribinta pro la kompato,
quan ni transdonis hiere a la familiani.
Plu multa cent kondolanti venis a la mikra vilajeto
ne fore de la Baltiko por honorizar lastafoye
nia samideano. Inter li esis lua amiki di la
Angle-parolanta grupo, di la societo por la
Bas-germana, kun-studiinti, lua maladi, vicini,
medikal e cetera amiki.
Tri membri di la German Ido-societo partoprenis
la sepulto. Sur la rubando di nia flor-krono funeral
esas lektebla en Ido "Tu esos ne-obliviata".
Traurante
Eberhard ed amiki




______________________________________________
Web Revelación Yahoo! 2007:
Premio Favorita del Público.
http://es.promotions.yahoo.com/revelacion2007/favoritos/

Camatine, me "click"-is sur la rubriko KURIERO INTERNACIONA qua esas enretigita
da la Hispana Ido-Societo, por vidar kad hazarde ne esus plusa numero di K.I.
enretigita. E, yes, esis tale, nome la n° 3/2006 di K.I. tote recente
enretigesis ed ico konfirmesis a me da nia samideano Fernando Tejon, qua sendis
mesajo a me informante me pri la enretigo di ca plusa numero. Por ti qui volas
lektar gratuite nova numero di K.I. voluntez "click"-ar che la ret-pagino dil
Hispana Ido-societo la rubriko KURIERO INTERNACIONA, en ica plusa enretigajo vi
deskovros la historio e la vivo di tote aparta e stranja urbo qua esas Franca
Germana urbo o Germana Franca urbo. Anke raportesas pri mem plu stranja restaji
insulala di NAN MADOL en la Pacifika oceano, la magiala hazardi dil
sinkronaleso*, Germana rakonto da le Grimm tradukita da Franca Eklziano ed altra
rakonto da le Grimm tradukita da Greka samideano,etp. Bona lekto ! JM :::-:::

[Se han eliminado los trozos de este mensaje que no contenían texto]

Estimata samideani:

Voluntez rilektar, sube, la mesajo quan me sendis
dum la pasinta monato mayo.

Yen la nuna stando:

Ido-Wikipedio: 500 registragita uzanti!
Ido-wikivortaro: 126 registragita uzanti!

Danko e gratuli ad omna ti,
qui per sua laboro avancigas nia wikiaji!


P A R T A K A
* * * * * * * * *


>>>>>>>

Saluto, Idistaro!

Plezas a me informar vi omna, ke, nun-instante,
nia Ido-Wikipedio posedas plu kam...

"400 registragita uzanti"...

Dume, nia Ido-wikivortaro disponas nun...

"100 registragita uzanti"...

Se posibla, voluntez kunlaborar e kontributar
ibe, sive per artikli original, sive per tradukar
(de irg altra wikipedio) irg artikli de irga linguo
aden Ido, sive per plugrandigar o plubonigar
texti ja existanta, sive per emendar Ido-erori, edc.

http://io.wikipedia.org/wiki/Frontispico

Adavane Ido-Wikipedio!
Adavane Ido-wikivortaro!


P A R T A K A
* * * * * * * * *

--
[posta_Mundi]
http://es.groups.yahoo.com/group/posta_Mundi/





______________________________________________
Web Revelación Yahoo! 2007:
Premio Favorita del Público.
http://es.promotions.yahoo.com/revelacion2007/favoritos/