António,

Vi pravas: temas pri memstara signo, ne alglulajxo al antauxa lo.
Nuntempe en la hispaniaj klavaroj (legxo Majó), temas pri memstara signo
tajpita per Maj+3. Mi memoras tamen malnovajn tajpilojn kun aparta klavo
"l+mezpunkto".

Principe temas pri mezalta punkto, sed estas homoj uzantaj normalan
punkton: ekzemple la kataluna eldono de El Periódico (
http://www.elperiodico.com/EDICION/portada.htm?l=CAT ). Persone mi
konsideras tion suficxe malbela - kvankam estas vere, ke tio apenaux
konfuzas: tuj sekve, sen spaco, estas minuskla litero, malkiel okazas
kun la "vera" punkto.

Gxi estas uzata ankaux katalune kiel apartigilo ekz-e en kelkaj fakaj
eldonoj de mezepokaj tekstoj: se mi bone komprenas, tiel oni indikas, ke
en la originalo estis unu sola vorto, sed nuntempe oni skribus dise.
Mi rimarkis gxian uzon ankaux en la okcitana (Zamen·hof), sed mi tre
dubas, ke tio estas norma uzo - simple kataluna influo. Eble
portugallingvanoj povus imiti :)

Kore,
Hektor

P.S. Kaj jes gxi estas efektive cxiutage uzata: amaseto da vortoj gxin
enhavas, kvankam la barcelona (nenorma) prononco ne distingas inter l
kaj l·l - sed jes duobligas suficxe multajn aliajn konsononantojn.