Estimata Eugeni-Lluís,

Vian artikolon oni ne povas taksi kiel verkitan en esperanto. Se io
gramatike gxustas, temas versxajne nur pri hazardo.

Mi gxojas, ke vi emas propagandi, sed prefere faru tion unue en la
kataluna. Krome, mi konsilas al vi iom bridi vian entuziasmon: ni ja
bezonas aktivulojn, sed ne je kiu ajn prezo; kaj ofte fresxbakitoj povas
diri grandajn azenajxojn: ne nur pro manko de rego de la lingvo, sed
cxefe pro manko de konoj (ili nur ripetas onidirojn kaj disvastigas
antauxjugxojn). En tiaj okazoj la sperto montras, ke ili ofte farigxas
pli nocaj ol helpaj.

Bonvolu bone lerni, kaj kiam vi atingos iom da lingvomatureco kaj akiros
pli profundajn konojn, tiam lancxu revuojn tra la mondo. Intertempe, ni
ja bone notas vian pretecon kunlabori, kaj lauxeble uzos gxin. Ni
sendube bezonegas fresxajn fortojn.

Vi versxajne oponos, ke vi petis lingvoinstruiston kaj ni ne proponis al
vi, kaj ke vi lernado malrapidas. Nu, mi povas nur pardonpeti, sed niaj
fortoj estas gxuste tiaj: en via regiono neniu aktivulo nuntempe
libertempas. Aktivado, laux mi, devas gxuste bazigxi sur la kono de la
propraj fortoj kaj limoj; se ne - kiel diris Karles antaux nelonge - ni
simple krocxos la cxaron antaux la cxevalojn.

Sincere salutas,
Hektor

En/na Eugeni-Lluis Batalla ha escrit:

>_________________________________________________________________
>MSN Search, le moteur de recherche qui pense comme vous !
>http://search.msn.fr/worldwide.asp
>
>
>
>La utilización de Yahoo! Grupos está sujeta a su aceptación de las
>Condiciones del servicio (http://es.docs.yahoo.com/info/utos.html) así
>como de la Política de privacidad (http://privacy.yahoo.com/es/).
>
>
>
>