Santurtziko Udal Euskaltegiaren web guneak dagoeneko bost urte egin
ditu euskara ikasi eta irakasten dutenen zerbitzuan. 1998ko otsailean
eman zituen lehenengo pasuak amaraunean eta hasieratik izan du garbi
bere helburua: ikasle-irakasleei baliabideak eskaintzea.

Horren erakusgarri dira, besteak beste, Irakasleon Aldizkaria izeneko
buletina , maila guztietarako Online Ikastaroak eta gel@irekia
Autoikaskuntzarako Zerbitzuaren ikasgela birtualak.

Bestalde, web guneak izandako bisita-kopuruak gora egin du etengabe
sortu zenetik eta iazko urtean 91.719 bisita izatera iritsi da.

Eskerrik asko guztioi!

Eta hasierako gunearen itxura nolakoa zen jakin nahi baduzue, sakatu
hemen: http://www.santurtzieus.com/98/index.htm

Jose Miguel Arnaiz
Santurtziko Udal Euskaltegia