Gramatikaren lanketarako markoan agertzen diren hainbat baieztapen
eta iritziren inguruan aritu nahi dut oraingoan.

Lloberak esaten duena interesgarria iruditzen zait baina aldi berean
arriskutsua. Egia da bide induktiboak asko laguntzen duela eta nork
bere buru-eskemak sortzea eta aldatzea ezagutza sortzeko bide
aproposa dela. Dena dela, ez dugu ahaztu behar hainbat ikerlanek
frogatu duela helduaren burmuina erregelak eta arauak ikasteko eta
aplikatzeko gai dela eta askotan askoz azkarrago eta errazago egiten
duela bide hori, kontrakoa baino.

Horregatik, beherago agertzen den paragrafoa bestela formulatuko nuke
nik: kontua ez da joera deduktiboek ere emaitza ona ematen dutela
baizik eta zenbaitetan emaitza hobea ematen dutela. Hori bai,
gramatikaren ikuspegi organikoa derrigorrezkoa izango dugu benetan
gure ikasleek euskara ikastea nahi badugu.

Ados al zaudete?

Mikel