Oso interesgarria iruditu zait proposamena. Dena dela, girotze-
faseari buruzko iruzkin batzuk egin nahi nituzke.

Titulua emanda ikasleek gaiari buruzko aurrezagutzak aktiba
ditzakete; baina kasu honetan oso zaila izango da asmatzea eta horrek
askotan ikasleengan frustrazioa sor dezake. Bestalde, titulua
bakarrik emanda testu-motari eta testu-erari buruzko predikzioak
egitea are zailagoa da. Hori baino informazio gehiago eman beharko
litzaikeelakoan nago.

Titulua arbelena idatzi beharrean, aberatsagoa litzateke formato
originala mantentzea (testuaren fotokopia) eta testua ezabatzea.
Horrela ikasleek nondik hartua den jakingo luke eta testu-mota horren
ezaugarriak aktibatuko lituzke.

Ikasleei predikzioak egiteko eskatzen diegu sarri eta kontuan hartu
behar dugu predikzioak egiteko nahikoa material (pista) eskeini behar
diegula; bestela, emaitza ezegokia ez ezik frustrantea ere izango da
eta lortu nahi dugunaren kontrako efektuak izango ditu.

Mikel