Kaixo denoi,

Oso interesgarria iruditu zaizkit azken egunotan eskegi diren
ariketak (Zurekin ligatu nahi dut testuarena eta Hauek dira galdera
hauek!). Dena dela, nik beste gai bat planeatu nahi nuke, alderdi
afektiboa, alegia. Izan ere, nik aspaldidanik sumatu dut gramatika
edo trebetasunez edozein ikuspegi eta prozedurak erabilita ere,
ikasle eta irakaslearen arteko komunikazio-arazoek indargabetzen
dutela horien guztien ustezko eraginkortasuna.

Nire ustez, komunikazio-arazoek afektibitatearekin erlazionatuta
daude. Ez dakit, ordea, nola: intuizioa baino ez da. Zuetako inork ba
al daki gai honetaz? Zerbait irakur nezake, baina zer? Ikasgelan zer-
nolako esperientziak izan dituzue?

Eskerrik asko eta ondo ibili

Aintzane