Aupa denoi,

Eztabaida honetan sartuta, boteprontoan hainbat zalantza sortu zaigu gurean
kurrikuluaren inguruan; esaterako, lehen mailan hasita eta testu errealak
erabilita, helburuak definitu eta neurtzerako orduan ba ote dago
adostasunik? Nola bideratu hori? Orain arte zergatik ez da 1A Mailarako
Langairik argitaratu?
Nire iritziz, antolatutako ikastaroek norabide eta planteamendu aldaketa
aurkeztu egiten dute baina eguneroko jardueran aplikatzerakoan, arazo eta
kezka ugari izaten dira aurrera eraman ahal izateko; horrexegatik eta harira
joanda, honakoa galdetu eta eskatu nahi dizuet, esperientzia martxan duzuen
euskaltegietan, hasierako "pausu" horiek -lehen mailari, dagozkionak,
alegia- nola bideratu dituzue? Ze oztopo nagusi aurkitu da?

Benetan eskertuko dizuet erantzutea.
Ondo segi
Iñigo


----- Original Message -----
From: <koldo1@...>
To: <euskara_irakatsi@es.egroups.com>
Sent: Wednesday, March 28, 2001 10:35 AM
Subject: [euskara_irakatsi] Re: Urratsak ala mailak?


>
> Aupa,
>
> Tira, Mikel, ez dut neuk orain esango arrazoi pixka ez duzula.
> Konforme nago zuk esandako gauza batzuekin. Dena dela, uste dut ezin
> dela planteatu "aukeratu zuek!" beste barik. Hor arazo eta bariable
> asko daude: HABEk urtetan erabakitzeko posiblitate txikiena ere ez du
> eman, eta orain, ordea, erabakiak hartzeko eta aukerak egiteko!
> Enfin...
>
> Neuk, igual, kurrikulu kontu horren aspektu globalago bati helduko
> nioke: nola hasi behar dugu aukerak eta erabakiak hartzen, ez badugu
> horretarako prestakuntzarik? Irakasleagoaren formazioaz eta, zer
> esfortzu egin du HABEk? Ikastaro bakan batzuk antolatuta, listo? Noiz
> hasiko dira benetako formazio-plana eratzen? Euskaltegien edo
> irakasleen esku bakarrik geratu behar da formazioa? Zelako laguntza
> eman du orain arte horretarako?
>
> Ez dakit, baina iruditzen zait berrikuntza, kurrikulua eta horrelako
> hitz potoloak esanda konpontzen dela problema. HABEk ez gaitu ba
> prozesu horretan sartu? Orduan baliabideak ere eskaintzea dauka.
>
> Koldo
>
>
>
>
> Santurtziko Udal Euskaltegiaren eskutik
> http://www.santurtzieus.com
>
>