Kaixo, guztioi.

Azken bolada honetan besterik ez da entzuten eta nekatu samar nago,
egia esateko. HABE gora eta HABE behera, zer egin du HABEk, zer
eskaini du HABEk, zer egin beharko luke HABEk....? Baina, noiz hasiko
gara arazoari benetan heldu eta zertan ari garen gu galdetzen? Zer
egin dugu urte guzti hauetan? Zertan ari gara orain? Zer behar dugu?

Formazio plana aipatu da, besteak beste, eta norbaitek planteatu ere
egin al du? HABEk zerbaiti ezetza esan al dio? Berriz esango dut: oso
erraza da zain egotea eta HABEri eskatzea, baina geuk ere egin
beharko dugu zerbait inoiz. Badakit gogorra dela horrela esatea,
baina ziur naiz HABE ez dagoela guri jaten emateko; janaria non eta
nola bilatu behar dugun agian adieraziko digu baina, joño, geuk joan
beharko dugu bila.

(Uste dut HABEk ez diola inoiz formaziorako eskari bakar bati ere
ezetzik eman)

Tira, eta alde positiboan hasteko: zeintzuk dira gure beharrak?
Zertan ikasi behar dugu? Nik adibidez, hutsune handia ikusten dut
testualtasunaren aldetik, oraindik testua bat gramatika eduki askoren
batuketa bezala ikusten baitut eta jakin badakit, testua hori baino
gehiago dela. Horren inguruko ikastaroren bat, libururen bat, zerbait
ezagutzen al duzue?

Laster arte,

Mikel