Aupa,
Azken boladan badira moda-modan jarri diren hitzak: autonomia, estrategiak,
testu errealak... Nik horie guztiei bonbardeo itxura hartu izan diet baten baino
gehiagotan, baina tira. Gaur komentatu nahi nuke testu errealen auzia.
Suposatzen
dut zuetako bat baino gehiago erabiltzearen aldekoak izango zaretela.
Neuk aspaldian entzun eta entzun nabil testu errealen erabilera urrats edo maila
guztietan gertatu behar dela, testu didaktizatuak albo batera utzita. Arazoak,
ordea, nahiko agerikoak dira: nola txeratu horiek beheko urratsetarako
materialetan?
Zein da ikasle hasi berrien erreakzioa horien aurrean? Goi-mailetan erabiltzea
normala iruditzen zait, baina behe-mailetan esaten duten bezain errentablea
da?
Agur
Koldo
************************************************************
Txat euskalduna >>> http://www.euskalerria.org/solasgunea
************************************************************
Kaixo, denoi
Oso interesgarria iruditzen zait irakasleen formazio ikastaroez planteatu den
eztabaida. Ni neu ez nago oso ados Koldok esandakoarekin. Egia da askotan
ikastaro
horietatik ateratzen dugun atarramendua eskasa dela, edo ikastaroetako irakasle
asko hezkuntza mundutik etorrita, ez dutela gure egoera ezagutzen. Hizkuntzaren
auzia ere hor dago: katalanez edo espainieraz fenomeno asko nola gertatzen diren
oso argi izango dute baina ez dute euskararen inolako ezagutzarik izaten.
Edozein kasutan ere, nik uste dut ikastaro horiek oso positiboak direla, nahiz
agian zer hobetu izango duten. Ziurrenik, ez da erraza izango helduen
euskalduntzea
ondo ezagutzen duten irakasle euskaldunak (eta dena delako gai horretan adituak)
aurkitzen. Nire ustez, guk esfortzua egin behar genuke ikastaroa ematen duen
irakaslearen testuingua eta gurearen artean loturak ezartzen. Esan nahi dut
egiten diren planteamenduak beste barik ezin izango ditugula gure euskaltegira
ekarri, baina hainbat kontu egokituz gero, posible asko bai.
Ondo ibili
Aintzane
************************************************************
Txat euskalduna >>> http://www.euskalerria.org/solasgunea
************************************************************
Aupa denoi,
Oraintxe irakurri dut bidalitako azken mezua eta kontu parea komentatu nahi
dizuet. Egia da ikastaro pilo antolatu direla eta irakasle askok parte hartu
dutela horietan. Zein da baina horietatik ateratzen dugun atarramendua? Nire
ustez, oso eskasa. Konturatzen bagara, ikastaro horien irakasleak hezkuntza
mundutik datoz eta ezer gutxi dakite euskaltegietako kontuez. Gehienetan
kontatzen
dituztenek eskola mundurako balio badute ere, ez dut uste guretzat oso
praktikoak
direnik.
Beste aldetik, asko eta asko kanpotarrak dira eta gazteleraz edo katalaneraz
egiten dute lan. Nik distantzia handia somatu dut horretan: katalanerako, kasu,
balio duenak euskararako balio du? Ez dakit, baina zalantzak ditut.
Honekin esan nahi dut ikastaroak eta ondo daudela baina nahikoa da horietara
joatea formazioa ziurtatzeko? Ezin dira gure egoera ezagutzen duten irakasle
gehiago ekarri?
Koldo
************************************************************
Txat euskalduna >>> http://www.euskalerria.org/solasgunea
************************************************************
Kaixo, zerrendakideok
Dakizuenez, asko eta askotarikoak izan dira udan zehar HABEk eskaini dituen
formazio-ikastaroak. Gutako askok hartu dugu parte horietako batean (edo
gehiagotan).
Hori dela-eta, ikastaro horietan izaniko esperientziak konpartitzeko proposatu
nahi dizuet: zein izan dira, zuen ustez, delako ikastarotik atera dituzuen
ideia inportanteenak? Entzundako eta egindakoetatik, zerk sortarazi dizue
erreflexiorako modua? Zer azpimarratuko zenukete ikastaro horietatik? Zer izan
liteke interesgarri gure praktikari begira?...
Nire ustez, oso aberasgarria izan daiteke delako ikastaroa egindakoan, entzun
berri ditugun ideiak eta proposamenak elkartrukatzea eta horien gaineko
hausnarketa bultzatzea.
Besterik gabe, ondo segi
Abel
SUE
[Se han eliminado los trozos de este mensaje que no contenían texto]
Askotarikoak dira hizkuntz proben helburuak edo... Shibboleth-testak
bizirik dirau!
Puri-purian dago Espainian Afrikako miseriatik ihes egin nahi duten
etorkinen gaia.
Milaka datoz penintsulara ahal duten bezala pateraz eta. Nazioarteko
legeen arabera, horietako batzuek, Sierra Leonakoek, legez kanpo
mugak gurutzatu arren, eskubidea dute errefuxiatu-estatutua hartu eta
etorritako bidetik bueltan bidal ez ditzaten, beren lurraldean gerran
daude-eta. Hori dela eta, asko eta asko dira Espainiako polizia eta
guardia zibilaren aurrean, inolako agiririk erakutsi ez eta Sierra
Leonakoak direla diotenak. Espainiako gobernuak, poliziak, hizkuntz
proba erabiltzen du "egiazko Sierra Leonatarrak" zein diren
jakiteko. Baina kontua da, Sierra Leonan 23 hizkuntza erabiltzen
direla. Hizkuntza ofiziala ingelesa da (4.568.000 hiztun). Alfabetatu
gabeak %85 dira. Kreolera (bigarren hizkuntza) %95ek dakite eta
hortik aurrera Bassa, Bom, Bullomso, Fuuta Jalon... hizkuntzak
erabiltzen dituzte (Ethnolog - www.sil.org).
Hizkuntz proba kreolera dakien kriminalista batek bideratzen du
elkarrizketa baten bidez. Emaitzekin oso pozik ez, nonbait,eta,
batzorde zientifiko bat osatu nahiez dabiltza Bartzelonan kreolera-
proba balioduna eta fidagarria prestatzeko.
Agi denez, horrelako hizkuntz probak –Shibboleth-probak?–
uste baino
usuen egiten dira munduan. Australia, Alemania, AEB, Canada...
Eta zergatik Shibboleth? Judutarren epaileen liburuko 12. atalean, 1-
15 bertsoetan dago jasota. Honatx, labur-labur: efraimdarrak eta
gileatarrak borrokan ari ziren. efraimdarrak galtzen ari ziren eta
horietako batzuek ihes egin nahi izan zuten. Jordan ibaira iritsi eta
honela galdetu zieten gileatarrek: efraimdarrak zarete? Haiek ezetz
erantzun. Gileatarrek banan-banan hartu eta... "esan ezazu"
Shibboleth (zereal buruxka edo zutoina). Eta Efraimdarrek: Sibboleth.
Horrela igarri zieten gezurretan ari zirela eta... hil egin zituzten.
Ongi segi
Josu
Aupa zerrendakideok,
Jakingo duzuenez, Edinumen argitaletxea 1996ko martxotik ari da Frecuencia-L
izeneko aldizkaria argitaratzen. Espainiera atzerriko hizkuntza gisa irakasten
duten irakasleei zuzenduta dago eta dagoeneko 17 ale plazaratu ditu. Azkena
aurtengo uztailean.
Aipatu ale horretan Sonsoles Fernándezek artikulu interesgarria argitaratu du
gaur egun indar handia hartu duten bi ildo metodologiko uztartu nahian:
autonomia eta atazak.
Bi ildo horien berrikusketa laburra egindakoan, autoniamaren garapena atazen
bidezko enfoke baten ikuspuntutik nola mesedetu daitekeen azaltzen du. Artikulu
irakurterreza eta argia, benetan.
Beste alde batetik, aldizkari horretako 13. alean (2000ko uztaila) Martín
Peris-en "La enseñanza centrada en el alumno" izeneko artikulua agertu zen.
Zalantza bat baino gehiago argitu dezakeen artikulua duzue hori, dudarik gabe.
Beste barik, ondo segi
Abel Camacho
SUE
[Se han eliminado los trozos de este mensaje que no contenían texto]
Aupa zerrendakideok,
Oporren aurretiaz lanera bueltatu beharra urrun ikusi arren, uste (edo nahi)
baino arinago pasatu zaizkigu dagoeneko. Horrela, beste erremediorik ez dugula,
geu ere hasi berri gara lanean.
Udako etenaren ostean, beraz, foro honen erabilera denontzako aberasgarri
suertatzea espero dugu.
Ondo segi
Abel Camacho
SUE
[Se han eliminado los trozos de este mensaje que no contenían texto]
----- Original Message -----
From: Kepa Diegez
To: euskara_irakatsi@es.egroups.com
Sent: Tuesday, September 04, 2001 2:56 PM
Subject: Lan-eskaintza
Aurten UEUk, lehenengo aldiz, Eusko Jaurlaritzaren Hezkuntza Saileko IRALE
programan parte hartuko du EGAtik gorako ikastaroak emanez. Eskaintzen ditugun
ikastaroak Eibar, Bilbo, Donostia edo IRALEkoek eskatzen dituzten tokietan egin
daitezke. Honako hauek dira:
a.. Hizkuntzaren zuzentasun-arauak hitzez eta idatziz.
b.. Goi-mailako hizkuntza gaitasun praktikoa.
c.. Euskalkien lanketa (bizkaiera).
d.. Metodologia ikastaroa (hizkuntzen irakaskuntza).
e.. Itzulpen-tekniken ezagutza teknikoa eta gaitasun parktikoa.
f.. Giza- eta gizarte-zientzien alorreko terminologia teknikoaren eta
adierazpide berezien lanketa.
g.. Zientzia tekniken alorreko terminologia teknikoaren eta adierazpide
berezien lanketa.
Hori dela eta, suerta litezkeen eskaera guztiei erantzuteko asmoz, UEUn
irakasle-zerrenda bat egin nahi dugu. Zuk zeure burua gai ikusten baduzu
horrelako bat emateko edota inor ezagutzen baduzu bidali, mesedez, kurrikuluma
helbide honetara: j.akademikoak@...
Argibiderik nahi izanez gero deitu 943 82 14 26 telefonora eta Kepaz galdetu.
Eskerrik asko eta ondo izan.
Kepa Dieguez
UEUko Antolakuntza Akademikorako Arduraduna
[Se han eliminado los trozos de este mensaje que no contenían texto]
Queremos avisarle de este evento que se aproxima.
Txat-saioa
Fecha: Viernes, Junio 15, 2001
Hora: 10:30AM - 11:30AM CEST (GMT+02:00)
Ebaluazioari buruz aritzea da helburua: zer eta nola ebaluatzen
dugu?
Kaixo zerrendakideok,
Ikasturte-amaiera hurbil dugula, ebaluazioa dugu denok gogoan.
Gurekin ikasturtea eman duten ikasleek lorturiko maila testatzeko
garaia da. Hemen, ordea, badira zailtasunak eta zalantzak: nolako
irizpideak erabili behar ditugu? Nola neurtu ikasleen aurrerapena?
Orain erabili asmo ditugun irizpideak bat datoz ikasturtean zehar
erabili ditugun lanketa-moduekin? Eta abar luze bat.
Horiek guztiak komentatu eta ezagutzeko, honako gai hau proposatu
nahi dizuet: zer eta nola ebaluatzen dugu?
Horretaz gain, gai interesgarri honi buruz iritziak trukatzeko,
hurrengo ostiralean, hilak 15, goizeko 10:30etan txat-saio bat egingo
dugu eta, jakina, denok zaudete parte hartzera gonbidatuta.
Besterik gabe, ondo segi
Abel
SUE
Aupa zerrendakideok,
Alexek berrikitan, maila eta urratsen auziari helduz, hainbat kezka
plazaratu ditu.
Alde batetik, aipatu du mailakako banaketak ikas-prozesuaren
antolaketa razionalagoa egiteko modua eskain badezake ere, eraketa-
aldetik datozela arazorik gehienak: modulazioa zabalduena astean 10
ordukoa izanda, urtean 330 ditugu, udako trinkoak eta 100 ordukoak,
barnetegiak... Horra hor, beraz, arazoa: nola jokatu antolaketa
honekin? Ikasleek 330 ordu horietan maila bat (edo azpimaila 1en
kasuan) lortzera jo? Leku guztietan berdin, lekuan lekuko
errealitatea kontuan hartu gabe? Eta 100 orduko ikastaroan ikasleak
zer lortu dezake? Antolaketa administratiboa da neurri handi batean
eta ez arazo didaktikoa, baina egin beharrekoa...
Neure ustez, oso kontu inportantea da tokian tokiko errealitatea
kontuan hartzea eta horren arabera jokatzea. Ez da, inola ere, ona
ezta bideragarria izango beste barik, urraskako sistematik
mailakakora pasatzea, aldez aurretik bataren eta bestearen ongaitzak
eta gerora egin dugun aukerak sor ditzakeen desajusteak baloratu gabe.
Hala ere, hezkuntza-sistemaren arazo histikorikoa izan da eraki
didaktikoak beti ere erabaki administratibo eta ekonomikoen menpean
egotea. Are gehiago, antolaketa eta administrazio-arazoak izan dira
neurri handi batean berrikuntza pedagogiko asko zapuztu dutenak. Nire
ustez, hor dago gakoa: zeinek du lehentasuna eta pisu gehien, alderdi
didaktikoak ala administratiboak? Galdera horrentzat, ordea, ez dago
guztiontzat balio duen erantzunik: erakunde eta euskaltegi bakoitzak
erantzun behar dio, bere errealitatea kontuan harturik, jakina.
Dena dela, iruditzen zait sarritan ez ditugula errealitate berdinak
irizpide berekin aztertzen. Irakasleen artean betidanik entzun ditut
honelako kexak: "udako trinkoetan dena delako urratsa gainditzeko
eskatzen dugun maila askozaz baxuagoa da urtean zehar jartzen duguna
baino"; "udako trinko batean ezin liteke urratsik gainditu,
ze ez
dago eduki eta helburu guztiak behar bezala landu eta bereganatzeko
modurik, baina..."
Hor lehen aipatu dudan arazoa azaltzen zaigula uste dut: antolaketa
erabaki didaktikoen gainean dago, eta hori kaltegarria da, ezpairik
gabe.
Beste alde atetik, Alexek honako hau ere esaten zuen:
Horrez gain, jardunaldietan foro honetatik bertatik ateratako pasarte
batean honelako zerbait agertzen zen: "besterik esan ezean, badirudi
HABEk euskaltegien eskuetan utziko duela mailen azpiko banaketa". Bi
gauza dago bertan, nire ustez, hitz egiten hasi beharrekoak:
"besterik esan ezean" eta "badirudi"
Nik neuk idatzi nuen pasarte hori. Horrela idatzi, gainera, bestelako
informaziorik ez daukadalako. Izan ere, HABEk oso informazio gutxi
eman du EKPren diseinuaz eta egiteko moduaz. Egia da euskaltegi
batzuetan HABEko teknikariak dabiltzala laguntzen eta suposatzen dut
euskaltegi horietan izango dutela informazio gehiago. Neure aldetik,
esan ditudanak Kultura Sailak 2000ko urtarrilaren 24an argitaratutako
agindutik atera ditut, eta hori baino ez dakit. Horregatik
"besterik
esan ezean" eta "badirudi".
Tira, ondo segi eta parkatu mezu hau hain luze atera izana
Abel
SUE
Aupa, zerrendakideok!
Horrenbeste puntako teknologia gora eta behera, sakontzen taldeetako
ikasleekin batera webgunetxo xumea egitea idazmena lantzeko nahiko modu
erakargarria izan zitekeela bururatu zitzaigun. Korrikaren zoramena pasa
ondoren, horretan jarri ginen eta tira, egun hauetan ari gara emaitzak
www-ean "eskegitzen". Bai ikasleei bai harrikada honekin gora eta behera
gabiltzan bi irakasleoi ere egundoko ilusioa egingo liguke zuen zein zuen
ikasleen bisitak, komentarioak eta abar jasotzea, beraz, gure orritxoa
bisitatzera gonbidatuta zaudete. Helbidea honako hau da:
http://www.go.to/sakontzen
Ez da beste munduko ezer, baina ikasleak gustura idazten ikusi ditugun
lehenengo aldia izan da behintzat! (*Gustura*, eh, eta ez *ondo!*, hori
beste baterako utziko dugu).
Zuen komentarioen zain geratzen gara, ondo ibili!
Janire Egaña eta Joxe Rojas
Queremos avisarle de este evento que se aproxima.
Txat-saioa
Fecha: Jueves, Mayo 31, 2001
Hora: 11:00AM CEST (GMT+02:00)
Helduen euskalduntzean ari garenon kezkak eta iritziak
elkartrukatzea
Epa lagunok,
Aintzaneri zein beste edozein forokideri laguntzeko asmoz, hona hemen
hainbat ohar tekniko foroaren funtzionamenduaz:
1.- Nahiz eta partaideok mezuak zeuen ordenagailuetan jaso, foroak
badu kokagune jakin bat (helbidea eta guzti,
http://es.egroups.com/group/euskara_irakatsi) Interneteko zerbitzari
batean. Leku honetan biltzen dira denok bidaltzen ditugun mezuak eta
partaideon datuak, besteak beste.
2.- Leku hori publikoa da eta mezuak ere bai; beraz, edozein joan
daiteke helbide horretara, nabigatzeko programa erabiliz, eta mezuak
begiratu. Hala eginda, harrera-orrian "Bienvenido invitado" agertuko
da eta foroak dituen beste zerbitzuetarako sarbidea galerazita izango
du bisitariak, partaide izan zein ez izan.
3.- Beste zerbitzu horietara sartzeko, berriz, bisitariak
identifikatu behar izango du, hau da, eGroups-eko zerbitzariak
partaide den ala ez jakin beharko du, noraino sartzen utziko dion
erabakitzeko.
4.- Beraz, partaide zaretenok ere konektatu egin behar duzue txat-
gelara sartzeko edo dokumentuak bidali/irakurtzeko, horrela baitago
konfiguratuta.5.- Nola jakinarazi zerbitzariari partaide zaretela?
Erraza da.
"Conectarse" hiperbinkuloa ikusiko duzue harrera-orrian "Bienvenido
invitado" esaldiaren eskuinaldean. Bertan sakatu eta beste orri bat
agertuko zaizue, non zuen e-posta helbidea eta partaide bihurtu
zinetenean aukeratu zenuten pasahitza sartu beharko dituzuen. Dena
ondo badoa, lehengo orria agertuko da, baina "Bienvenido + zuen e-
posta helbidea" ikusiko duzue orain eta, nolabait esatearrren,
barruan izango zarete, identifikatuta eta partaideoi dagozkizuen
eskubide guztiekin: txateoan aritu (inor badago gelan), dokumentuak
irakurri/bidali, lotura interesgarriak begiratu/gehitu eta abar.
Ohar huek berak eta bestelako informazioa ondorengo helbidean ere
badituzue, badaezpada beste batean behar badituzue:
http://www.santurtzieus.com/irakasle/materialak/foroa/euskara_irakatsi
.htm
Agur eta ondo izan.
Jose Miguel Arnaiz
Queremos avisarle de este evento que se aproxima.
Txat-saioa
Fecha: Jueves, Mayo 31, 2001
Hora: 11:00AM CEST (GMT+02:00)
Helduen euskalduntzean ari garenon kezkak eta iritziak
elkartrukatzea
Ezin gara arratsaldez aritu. Goizeko 11etan bai.
Abel
----- Mensaje original -----
De: miren josu uriarte
Para: Euskara irakatsi Foroa
Enviado: miércoles 30 de mayo de 2001 9:40
Asunto: [euskara_irakatsi] txata dela eta
Arrazoi guztia dozu Abel, barriro leidu dot lehengo egunean bidali
zenduen mezua eta hola da goizeko 11etan, ez dakit ba baina antza beste
zeozegaz nahastu naz, eta dinozu azkenean ez dala egongo, hori bai ez
dodala jakin eta ezingo genuke beste egun zehatz bat jarri ze
bestela...?
eGroups Sponsor
Santurtziko Udal Euskaltegiaren eskutik
http://www.santurtzieus.com
[Se han eliminado las partes que no son de texto de este mensaje]
Arrazoi guztia dozu Abel, barriro leidu dot lehengo egunean bidali
zenduen mezua eta hola da goizeko 11etan, ez dakit ba baina antza beste
zeozegaz nahastu naz, eta dinozu azkenean ez dala egongo, hori bai ez
dodala jakin eta ezingo genuke beste egun zehatz bat jarri ze
bestela...?
--- En euskara_irakatsi@es.egroups.com, miren josu uriarte
<mjuriarte@e...> escribió
> Egun on!
> Egunokaz irakurtzen nabil lehengo eguneko jardunaldiak dirala eta
> plazaratzen zabilzien eritziak eta esan behar dot nik ez nebala
> aukerarik izan joateko baina lagun on baten bitartez izan dodala
honeen
> barri eta egia esan nire lagun hau oso pozik etorri zan bertatik,
batez
> ere antolaketari jagokonez oso kalitate handikoa izan zala eritzi
> baeutson beraz eta aurten joan ez banaz ere, zorionak
antolatzaileei,
> bestalde oso ondo deitzot proposatu dozuen txat honi baina nik beste
> proposamen bat egingo neuke, zuek arratsaldeko 5etarako porposatu
dozue,
> kontuan harturik batzuek goizen baino ez dabiela lanik egiten ezingo
> litzateke bi egin, goizean ez dakit 11etan edo 12etan bat eta
> arratsaldekoa be mantendu, bueno proposamena baino ez da zuek esango
> dozue,
> Mirenjo
Aupa,
Uste dut oker txiki bat izan dela. Gure proposamena ostegunean,
maiatzak 31, goizeko 11etan egitekoa zen. Hala ere, gure aldetik ez
dago inolako arazorik arratsaldez ere jarduteko. Arazoa, ordea,
bestelakoa da: ostegun honetan ezin gara aritu. Aurrerantzean, aldez
aurretik proposatuta, goizez eta arratsaldez egin daiteke, edo
arratsaldez bakarrik... Aukerak asko dira.
Ondo segi
Abel
SUE
Egun on!
Egunokaz irakurtzen nabil lehengo eguneko jardunaldiak dirala eta
plazaratzen zabilzien eritziak eta esan behar dot nik ez nebala
aukerarik izan joateko baina lagun on baten bitartez izan dodala honeen
barri eta egia esan nire lagun hau oso pozik etorri zan bertatik, batez
ere antolaketari jagokonez oso kalitate handikoa izan zala eritzi
baeutson beraz eta aurten joan ez banaz ere, zorionak antolatzaileei,
bestalde oso ondo deitzot proposatu dozuen txat honi baina nik beste
proposamen bat egingo neuke, zuek arratsaldeko 5etarako porposatu dozue,
kontuan harturik batzuek goizen baino ez dabiela lanik egiten ezingo
litzateke bi egin, goizean ez dakit 11etan edo 12etan bat eta
arratsaldekoa be mantendu, bueno proposamena baino ez da zuek esango
dozue,
Mirenjo
Pena da txat-saioan ezin parte hartzea. Zer egingo diogu, bada. Hurrengo
batean izango da.
Dena den, azken mezuen inguruan bi kontu:
Lehena, mailen eta urratsen inguruan:
Oso ondo ulertzen dut sortzen ari den eztabaida. Nik neuk kezkak baditut.
Nahiko argi ikusten dut mailen banaketak aukera ematen digula ikas
prozesuaren antolaketa razionalagoa egiteko. Nire kezkak beste alde batetik
datoz:
Modulazioa zabalduena astean 10 ordukoa da, hori horrela, urtean 330 bat
ordu izaten dira.
Gainera udako trinkoak ere egin izaten ditugu: gutxi gorabehera 100 ordu.
Batzuek ere barnetegiak antolatzen ditugu: denetatik 75 ordutik hasita
ez-dakit-zenbatera.
Antolaketa honekin nola jokatu? Ikasleek 330 ordu horietan maila bat (edo
azpimaila 1en kasuan) lortzera jo? Leku guztietan berdin lekuan lekuko
errealitatea kontuan hartu gabe? Eta 100 orduko ikastaroan ikasleak zer
lortu dezake? Antolaketa administratiboa da neurri handi batean eta ez arazo
didaktikoa, baina egin beharrekoa...
Horrez gain, jardunaldietan foro honetatik bertatik ateratako pasarte batean
honelako zerbait agertzen zen: "besterik esan ezean, badirudi HABEk
euskaltegien eskuetan utziko duela mailen azpiko banaketa". Bi gauza dago
bertan, nire ustez, hitz egiten hasi beharrekoak: "besterik esan ezean" eta
"badirudi"
Bigarrena, kalitatearen inguruan:
Ados nago Jose Miguelek egiten duen planteamenduarekin. Hori bada
euskaltegien erronka. Agian jardunaldiak ez ziren lekurik egokiena horretaz
hitz egiteko (azken batean, jokabide metodologikoen gaia hartu genuen eta
horretan zentratzea zen asmoa). AEKren partetik, iaz HABErekin batera
egokitu zitzaigun Miramarreko ikastaroaren antolaketan parte hartzea.
Hasiera batean proposamenak egitea eskatu zitzaigun eta guk bi gai jarri
genuen mahai gainean: lan mundua eta profesionalen euskalduntzea eta
euskaltegien autoebaluazioa (kalitatearen bidetik). Biak interesgarritzat
jota ere, baten alde egin behar zen eta lehena atera zen. Oso garbi dugu
gaia berriro hartu behar dela, zailtasunak zailtasuna (azken batean ez
ahaztu kalitatea kontzeptu labainkorra dela, eta baita neurri batean
ideologikoa ere)
Alex
-----Mensaje original-----
De: Santurtziko Udal Euskaltegia <irakas@...>
Para: euskara_irakatsi@es.egroups.com <euskara_irakatsi@es.egroups.com>
Fecha: martes, 29 de mayo de 2001 10:04
Asunto: [euskara_irakatsi] Txat-saioa egiteko proposamena
>
>Kaixo zerrendakideok,
>
>
>Helduen Euskalduntzearen IV. Jardunaldiak izan direla-eta, iritzi
>asko jaso ditugu. Hauetako batzuk jardunaldien balorarazioak izan
>dira eta beste asko, berriz, bertan esandako eta ikusitakoak
>komentatzekoak. Hori dela-eta, iritzi-trukerako eta balorazioak
>egiteko aukera eskaini nahi dizuegu. Horrela, aste honetako
>ostegunean, hilak 31, goizeko 11etan gure posta-zerrendako txat-gelan
>horiek guztiak komentatzeko saio bat egingo dugu.
>
>Bertan, bi egongo gara: ni neu eta Pedro Lonbide Lizarralde
>(dakizuenez, mahai-inguruan jardun zuen), parte hartu nahi duzuen
>guztiokin batera.
>
>Lehenengo saio honekin hasiera eman nahi genioke gure arazoez
>aritzeko erabiliko dugun saio-sorta bati eta izan dezaketen onuraz
>jabetuta, espero dugu partaide asko hurbiltzea
>
>Besterik gabe, ondo segi
>
>
>Abel Camacho
>
>
>
>Santurtziko Udal Euskaltegiaren eskutik
>http://www.santurtzieus.com
>
>
Kaixo,
Oso ideia interesgarria iruditu zait txat saioa egiteko egin duzun
proposamena. Txalotzekoak dira horrelako ekimenak. Hala ere, arazo
bat ere izan dut. Nola sartu txat horretan? Non da? Zer egin behar
da? Esplikatuko didazue, mesedez?
Eskerrik asko eta ez adiorik
Aintzane
Kaixo zerrendakideok,
Helduen Euskalduntzearen IV. Jardunaldiak izan direla-eta, iritzi
asko jaso ditugu. Hauetako batzuk jardunaldien balorarazioak izan
dira eta beste asko, berriz, bertan esandako eta ikusitakoak
komentatzekoak. Hori dela-eta, iritzi-trukerako eta balorazioak
egiteko aukera eskaini nahi dizuegu. Horrela, aste honetako
ostegunean, hilak 31, goizeko 11etan gure posta-zerrendako txat-gelan
horiek guztiak komentatzeko saio bat egingo dugu.
Bertan, bi egongo gara: ni neu eta Pedro Lonbide Lizarralde
(dakizuenez, mahai-inguruan jardun zuen), parte hartu nahi duzuen
guztiokin batera.
Lehenengo saio honekin hasiera eman nahi genioke gure arazoez
aritzeko erabiliko dugun saio-sorta bati eta izan dezaketen onuraz
jabetuta, espero dugu partaide asko hurbiltzea
Besterik gabe, ondo segi
Abel Camacho
Epa forokideok,
Oraingo honetan ez naiz webmaster bezala arituko eta ez dut kontu
teknikorik aipatzeko asmorik.
Lehengoan mahainguruan izan ziren iritziak entzun eta egun pare
batera etorri zitzaidan ideia bat nahi nuke zuekin konpartitu.
Arratsaldeko azken saio hartan euskalduntzearen erronkak izan
zituzten hizpide eta, batez ere, alde metodologikoari erreparatu
zioten. Argi dago hori dela gure jardueraren oinarria eta kezka-
iturri nagusi.
Baina euskaltegi baten jarduerari alde askotatik begiratu ahal zaio
eta bada alde bat gure munduan zokorotu samar dagoena edo, argiago
esateko, erabat arrotz jotzen duguna: kalitatea.
Zokoratua, ezezaguna baitugu eta arrotza, elektrotresnen edo kotxeen
fabrikazioarekin lotzen baitugu, inola ez hezkuntzarekin.
Hala ere eta euskalduntze-munduko asko zerbitzu publiko izanik, nik
uste erronka ere badugula gure bezero-ikasleari eskaintzen diogun
atenzioaren kalitatea hobetzea: informazio ona, aberatsa eta
eskuragarria, bai ikas-prozesuaz bai gurean zein beste erakundeetan
ikasteko dituen aukeren inguruan; tramiteak (matrikulak, agiriak...)
azkar eta erraz, euskaltegira bertaratuta eta bestela.
Eta beste horrenbeste esan genezake euskaltegiko langileoi begira:
etxe barruko informazio prozesuen hobekuntza (deialdiak, ildo
didaktikoak, formazio-aukerak, irakasle hasiberrientzako
prestakuntza...); tramiteak (lan-poltsak, kontratazioak, baimen eta
lizentzia-eskariak...).
Badakit gai hauek ez direla ohikoak hezkuntzari begirako foroetan,
jardunaldi zein bestelakoetan, baina eguneroko kontuak badira eta
askotan baldintzatu egiten dute jarduera didaktikoa. Berorri behar
bezala lagun diezaioten egin behar genuke ahalegina eta horretarako
aztergai ere izan beharko genituzke, oztopo bihurtzea nahi ez badugu.
Non aztertu ez dakit, baina hutsunea nabaritu dudalako erabaki dut
gaia plazaratzea. Inor kezkatzen ote dute kontu hauek? Seguru nago
baietz, kalitatea deitu edo bestela.
Besterik ez forokideok. Hurrengora arte.
Jose Miguel Arnaiz
Aupa zerrendakideok,
Lehenik eta behin eskerrak eman nahi dizkizuet Helduen
Euskalduntzearen IV. Jardunaldietan parte hartu duzuen guztioi. Izan
ere, zuek ahalbidetzen duzue neurri handi batean era horretako
ekitaldiak antolatzeko modua izatea.
Antolaketan ibili garenon balorazioa ona da, nahiz hobetu beharreko
alderdiak ere egon.
Ekitaldi honetan matrikulatutakoen kopurua ikusita (200 lagunetik
gorako asistentzia izan da), helduen euskalduntzean ari direnen
interes eta gogo ikaragarria argi eta garbi azaldu zaizkigu. Horrela,
jardunaldi hauek ahalbidetzen duten elkarren arteko komunikazio-foroa
alderdi preziatuena dela baieztatuta geratu da berriro ere.
Hori pentsatu arren, ados nago Mikelek esandakoarekin eta niri neuri,
behintzat, irudizen zait entzuleen parte hartze txikia edizio
guztietan gertatu dela (Bilbon izan ziren jardunaldien mahai-inguruan
izan ezik). Ez dakit formatoagatik izan daitekeen ala ez (Gasteizko
jardunaldiak bestela antolatu genituen eta hartan ere, gogoratzen
dudanez, interbentzio bakar bat izan zen egun osoan zehar), baina
edozein kasutan argi geratu da horrelako ekitaldietan euskaldunok ez
garela oso berritsuak.
Nire ustez, soluzioa izan liteke formato txikiagoko beste foro bat
sortzea (mintegi baten modukoa eta gehienez 50-75 lagunentzakoa).
Foro horretan entzutera baino, LAN EGITERA joango ginateke,
eztabaidatzera eta gure iritziak besteenekin kontrastatzera.
Foro berri horrek ez luke jardunaldiena bertan behera utziko ze
helduen euskalduntzearen tamainari dagokion ekitaldia eratzen segitu
behar dugu (gure sektoreari gizarte aurrean ospea eman eta goraipatu
ahal izateko).
Zuen balorazioen zain, agur
Abel Camacho
Aupa!
Kursaalen izan nintzen ostiralean eta oso interesgarria izan zen
"guztia". Dena dela, han plazaratutako gai bati heldu nahi diot
berriz ere. Urratsak eta mailak? Kurrikulu berrian mailak agertzen
dira baina inork ez digu oraindik azaldu zer den hori. Askok, ni
barne, maila bat orain arteko hiru urratsek berez osatzen dutela uste
dugu; baina, ostiralean esandakoagatik badirudi formula hori ez dela
hain sinplea, badela ezberdintasun bat. Nik, egia esan, ez dut
ulertzen eta HABEkoek ez dute batere azaltzen bere kurrikuluan.
Baten batek azal al dezake zein den ezberdintasuna?
Koldo
Kaixo guztioi.
Agian oraindik ez da izango balorazioa egiteko garaia, baina Helduen
Euskalduntzearen IV. Jardunaldietan ikusitakoa komentatu nahi nuke.
Ez dakit antolatzaileek erabiltzen duten formatoa (komunikazio
laburrak, bi gelatan izatea....) egokiena den ala ez, plazaratutako
gaiak ere ez dira guztiak maila berekoak, baina nire kezka
handienetariko bat hauxe da: antzeko arazoak ditugun hainbeste lagun
elkartu eta nola liteke hain galdera eta kezka gutxi agertzea?
Euskaltegian arazoak ikusten ditugu eta balizko erantzun batzuk izan
ditzaketenak aurrean ditugunean ez dakit zenbaterainoko etekina
ateratzen diegun... Ez ote da hau (eta uste dut mahai inguruan
norbaitek esan zuela) gure ezaugarrietako bat, alegia, ez al gara
egoten beti beste norbaitek zer esango, erantzunak noiz emango zain?
Agian, mugitzen hasi beharko genuke eta horrelakoetan (jardunaldiak,
foro hau...) gure benetako arazoen konponbidea denon artean bilatzen.
Espero dut gainontzekook ere zer esana izatea.
Mikel
Hona hemen UEUko bulegotik etorri zaigun mezua.
----- Mensaje original -----
De: idazkaritza@...
Para: Euskaraz Zerrenda
Enviado: miércoles 16 de mayo de 2001 15:59
Asunto: [euskaraz] Helduen Euskalduntzearen IV. Jardunaldiak
Kaixo,
Datorren ostiralean, maiatzaren 25ean Metodologia euskara 2H gisa irakatsi eta
ikasteko
prozesuetan izenburupean burutuko diren Helduen Euskalduntzearen IV.
Jardunaldiaetan
izena emateko epea ostiral honetan amaitzen da.
Matrikulatzeko aukera zein egitarauari buruzko informazioa ondoko helbidean
aurkituko duzue:
http://www.ueu.org/azken_berriak.htm
Segi ondo.
UEUren idazkaritza
[Se han eliminado las partes que no son de texto de este mensaje]
--- En euskara_irakatsi@es.egroups.com, Iñaki Goitia <mightjh@t...>
escribió
> Atrebentzia ez bada... zein Hizkuntza Eskolatako azterketan agertu
zaizu
> horrelako berridazketa? Noizko azterketa da? Zein mailatakoa?
>
> Eskerrik asko.
Ez da atrebentzia, inondik inora. kontua da zehazki ez dakidala. Izan
ere, ikasle batek ekarri zuen berridazketa hori papertxo batean
apuntatuta, niri galdetzeko asmoz. Dena dela, suposatzen dut Bilboko
Hizkuntza Eskolako azterketa izango zela, ziur ez jakin arren.
Hori orain aste bete edo izan zen eta harrez geroztik ikaslea ez da
berriro klasetik azaldu. Datorren hurrengoan galdetu eta erantzungo
dizut.
Izan ongi
Aintzane
Enviar mensaje
