Estimad@s amig@s:

O vindeiro sábado 14 e o domingo 15 de Xullo vaise a celebrar en Pontevedra
o VIII MEMORIAL "RICARDO PORTELA".

O sábado 14 de xullo, terá lugar o concurso do Memorial, no que poderán
participar agrupacións de música tradicional galega no formato de cuarteto,
quinteto ou sexteto segundo as bases que che adxuntamos.

Os importes dos premios en metálico para a presente edición serán: 1º-1500
euros; 2º- 900 euros; 3º- 600 euros. Ademais hai dous premios especiais: O
“Ricardo Portela” de 600 euros para a mellor interpretación dunha peza do
repertorio de Don Ricardo e un premio “Seivane-Goretex”, consistente nunha
gaita creada especialmente para o VIII Memorial.

Queremos convidarte tamén ao “Festival de música tradicional” que o domingo
15 de Xullo comezará a partir das oito da tarde na Praza da Verdura, coa
actuación de Ardentía e Tanxedoras do Pandeiro. Ademais, tanto o sábado como
o domingo, teremos a oportunidade de visitar a "VI Mostra de Artesáns de
Instrumentos Tradicionais" neste mesmo lugar.

A Asociación de Gaiteiros Galegos colabora co Concello de Pontevedra na
organización deste evento, no que esperamos contar coa túa presencia.

Recibe un cordial saúdo,

Secretaría
Asociación de Gaiteiros Galegos
Rúa Alfonso XIII - 7 - 36002, Pontevedra
986 847 074 - www.gaiteirosgalegos.com

Se non desexa seguir recibindo información da Asociación de
Gaiteiros Galegos, fáganolo saber remitindo un e-mail a
secretaria@gaiteirosgalegos.com