Programación de "A casa do Coto" ( Subida a San Cibrán - Tomeza (Pontevedra)) para o mes de Xaneiro:
Xaneiro:
- Exposición: A partir do xoves día 9 exposición de fotografías da limpeza do río Gafos organizada pola asociación "Vaipolorio", que poderá ser visitada ata final de mes.
- Venres 17: Actuación do grupo de folk tradicional "Quempallou" de Bueu. Actuación prevista para as 23 h.
- Venres 24: Actuación do curateto tradicional "Picuiña" de Marín. Actuación prevista para as 23 h
ACTO FESTIVO REIVINDICATIVO PARA A REVÉSPERA DE REIS
Os Reis do Chapapote, en Ourense, este sábado
Alá vai o ano negro, o 2002, que só deixou tristura e desolación e comeza un novo, o 2003 que agardamos traia mellor sorte para todos e máis felicidade. A nós tróuxonos azos renovados para seguir chamando a atención sobre unha clase política feble ante o seu pobo, completamente superada e que, en presente, seguen amosando grandes doses de incompetencia e falsidade con total descaro.
A nosa denuncia, como dicimos, renóvase, agrándase. E que mellor forma de empezar o ano que dende a tradición, dende unha renovada tradición.
Iníciase cunha convocatoria na Praza do Ferro ás 19:00. A continuación un pasarrúas percorrerá as rúas de Santo Domingo, parque de San Lázaro, rúa do Paseo, Lamas Carvajal, Praza Maior, Tendas e Paz, para rematar de novo na Praza do Ferro. Nel intervirán grupos musicais, de danza e teatro da cidade. Abrirase cunha grande marea negra simbólica acompañada do estrondo dunha treboada. Gaiteiros e percusionistas acompañarán ó chapapote que se paseará polas rúas da cidade como regalo de reis ós gobernantes. Durante o pasarrúas intervirase en diferentes elementos urbanos.
Chegada á Praza. O grande mestre de cerimonias presenta a Feira dos Reis do Chapapote.
Canto de Reis, un canto desta vez especial, dende un escarnio preto á copla de maio e á comparsa de entroido. O noso canto non pide aguinaldos senón xustiza e faino da forma máis pacífica que existe, para que se escoite alto e claro. A xente na praza poderá cantar gracias á proxección das letras.
- ACTUACIÓNS de:
o Aula de música tradicional Gomes Mouro
o Castro Floxo
o Ziguezague + Xente Mareada
o Os Chanquinhas
o As Outras de Allariz
o Carta aos Reis
- FEIRA DO NUNCA MÁIS. A cargo do Grupo de Teatro para Tempos de Crise
o Pim-Pam-Pum
o Pesca do Buque
o O Fenómeno
o Hipnotizador
o A Pitonisa
- GRANDE QUEIMADA DE PURIFICACIÓN
Tamén é certo que os principios de ano son época de redención, de purificación e de facer promesas, e dende a plataforma prometemos e purificámonos, e queremos convidar a todo o mundo a que participe.
Prometemos: Non esquecer e non perdoar a aqueles que nos mentiron a aqueles que non previron, a aqueles que minimizaron e pola súa neglixencia perdemos o maior dos tesouros que Galicia tiña.
Purificámonos: Porque queremos voltar ser os mesmos, voltar sentir o cheiro a mar, a pisar area limpa e a ver ós nenos nadar nas praias...
O acto de purificación correrá a cargo do Grande Mestre Queimador Da Véspera Da Noite De Reis, que chega co poder máxico de curación da queimada. Percusionistas e malabaristas con lume axudarán a entrar en calor.
A festa e a protesta durarán toda a noite polas rúas e bares do Ourense antigo.
FORZA A TOD@S,
NUNCA MÁIS!
QUE EMIGREN ELES!
Os Reis do Chapapote, en Ourense, este sábado
Alá vai o ano negro, o 2002, que só deixou tristura e desolación e comeza un novo, o 2003 que agardamos traia mellor sorte para todos e máis felicidade. A nós tróuxonos azos renovados para seguir chamando a atención sobre unha clase política feble ante o seu pobo, completamente superada e que, en presente, seguen amosando grandes doses de incompetencia e falsidade con total descaro.
A nosa denuncia, como dicimos, renóvase, agrándase. E que mellor forma de empezar o ano que dende a tradición, dende unha renovada tradición.
Iníciase cunha convocatoria na Praza do Ferro ás 19:00. A continuación un pasarrúas percorrerá as rúas de Santo Domingo, parque de San Lázaro, rúa do Paseo, Lamas Carvajal, Praza Maior, Tendas e Paz, para rematar de novo na Praza do Ferro. Nel intervirán grupos musicais, de danza e teatro da cidade. Abrirase cunha grande marea negra simbólica acompañada do estrondo dunha treboada. Gaiteiros e percusionistas acompañarán ó chapapote que se paseará polas rúas da cidade como regalo de reis ós gobernantes. Durante o pasarrúas intervirase en diferentes elementos urbanos.
Chegada á Praza. O grande mestre de cerimonias presenta a Feira dos Reis do Chapapote.
Canto de Reis, un canto desta vez especial, dende un escarnio preto á copla de maio e á comparsa de entroido. O noso canto non pide aguinaldos senón xustiza e faino da forma máis pacífica que existe, para que se escoite alto e claro. A xente na praza poderá cantar gracias á proxección das letras.
- ACTUACIÓNS de:
o Aula de música tradicional Gomes Mouro
o Castro Floxo
o Ziguezague + Xente Mareada
o Os Chanquinhas
o As Outras de Allariz
o Carta aos Reis
- FEIRA DO NUNCA MÁIS. A cargo do Grupo de Teatro para Tempos de Crise
o Pim-Pam-Pum
o Pesca do Buque
o O Fenómeno
o Hipnotizador
o A Pitonisa
- GRANDE QUEIMADA DE PURIFICACIÓN
Tamén é certo que os principios de ano son época de redención, de purificación e de facer promesas, e dende a plataforma prometemos e purificámonos, e queremos convidar a todo o mundo a que participe.
Prometemos: Non esquecer e non perdoar a aqueles que nos mentiron a aqueles que non previron, a aqueles que minimizaron e pola súa neglixencia perdemos o maior dos tesouros que Galicia tiña.
Purificámonos: Porque queremos voltar ser os mesmos, voltar sentir o cheiro a mar, a pisar area limpa e a ver ós nenos nadar nas praias...
O acto de purificación correrá a cargo do Grande Mestre Queimador Da Véspera Da Noite De Reis, que chega co poder máxico de curación da queimada. Percusionistas e malabaristas con lume axudarán a entrar en calor.
A festa e a protesta durarán toda a noite polas rúas e bares do Ourense antigo.
FORZA A TOD@S,
NUNCA MÁIS!
QUE EMIGREN ELES!
|
Sin conexión 
Enviar mensaje