La listo Iberia-Esperantistaro estas malfermita al ĉiuj esperantistoj, precipe al tiuj, loĝantaj en la Iberia duoninsulo kaj apudaj teritorioj. Ties celoj estas precipe interrilatigi esperantistojn, ebligi praktikadon de la lingvo, pritrakti esperantajn kaj aliajn temojn. Komencantoj rajtas uzi provizore sian nacian lingvon dum ili ne kapablas bone esprimi siajn ideojn en Esperanto. Spertaj esperantistoj, uzu nur Esperanton. ĝenerale estas akceptataj ĉiuj temoj, kondiĉe ke ili estu pritraktataj esperante. Ofendoj kaj malrespekto al aliaj listanoj estas malpermesitaj, kaj estas kialo por blokado au forigo el la listo. En la listo ne ekzistas cenzuro, sed mastrumanto rajtas haltigi temon, se li opinias ke la temo estas tropritraktita kaj ĝena por la listanaro.