Il afirmis ke Franco ne havis personaleso e kredis ke Mola esis «la vera
chefo» La "Führer" anke havis pesimistala koncepto pri l' eklezio e la
mulieri.

«La Hispani kontentigas su per kelka olivi po dio vice laborar por havar
pluse». Ca es un la diferanta referi tre desestimoza quan la persono maxim
dizastroza di la yarcento pasinta konfidis a sua kunfederiti, segun libro
balde obtenebla en la librerii,
"La privata konversi di Hitler" (Editerio Kritikala). Verko qua en Hispania
aparis cirkume meze la yari kinadek, tre dinigita pro censuro e qua nun
ofresas integre.

Koncernas, quale deskriptas la prefaco da la Britaniana historiisto Hugh
Trevor-Roper, «la registrago oficala de la konversi posdinea quin Hitler
pronuncis koram diferanta invititi dum la somit-instanto di sua suceso». To
es, dum l' unesma yaro di sua milito agresema kontre Rusia, kande
videbleskis atingebla viktorio, qua duktis ad exekutar sua projeti makabra
deskriptita en "Mein Kampf", dekesis yari antee.

Por la gent-ocidanta naziisto, la soldati Frankista esis «trupo de
shifoni-geranti*», qui «apene protektis su». «Me ne esus interveninta en la
Hispana revoluciono se ne existis la reda danjero qua minacis Europa. La
klerikaro devus esir exterminata», il dicis altra-okazione. Il qualifikas la
mulieri Hispana kom «eceptale stupida» e mokas la spozo di Franco, qua «iris
dio pos pos a la kirko», e la konfesiono, pro ke «la muliero obtenas la
satisfaco dil absolvo e la permiso durar sua ludeti ed a la sacerdoto plezas
komprenar ta omno!».

Por la "Führer", Mola esis «la vera cerebro, la vera chefo», dum ke «Franco
ne havis personaleso por afrontar la problemi e Serrano Suñer, por qua il
sentis «repulso», es «la enteriginto di la moderna Hispania».

Fonto: Kanalo Hispania

Saluti amiikala,

Hans St.
--