Kara Partaka, kara samideani:

Me tre joyas ke, pro vua profitoza kunlaboro, vu darfis drinkar gratuite
saporoz alkoholaji lor homajo-festo che "Festilingua 2004" en la belega urbo
Barcelona. Tandem me tre multe prizus lektar detaloza raporto pri la nova e
fervoroza Ido-lernantaro docita da vu. Anke plusa vortin pri Serbino ni
lektus.

Supozeble lor sucesozega Ido-difuzo, la Editerio di la Ido-Societo Hispana
mustos imprimigar adminime kinacent exempleri di komplet Ido-kursi por la
nova samideani.

Lundie, ma felica, salutin kordiala sendas

Fernando Tejón.




----- Original Message -----
From: "Partaka" <qualevistandas@...>
To: <IdoCatalaOccitan@yahoogroups.com>; <idolisto@yahoogroups.com>;
<idoespanyol@yahoogroups.com>; <ido-linguo@yahoogroups.com>;
<francidol@...>
Sent: Sunday, October 03, 2004 11:58 PM
Subject: [idoespañol] "Festilingua 2004": la homajo-festo


>
> Kara samideani:
>
> Quankam semblas maxim logikoza komencar del
> komenco, permisez a me raportar pri l'evento
> del kaudo al kapo: pro recenteso e pro ke lo ya
> nin savigeskos pri l' modesteso di "Festilingua 2004"
> che Barcelona.
>
> Efektive, hiere vespere, ye 20kl., me partoprenis la
> homajo-festo ofrata dal organizanti por gratitudar
> "nia meritoza laboro" kom doceri e docisti...
>
> Malgre ke me decidabis enirar la festo-sideyo kelke
> plu tarde, pro mea akuratemeso, me eniris ol ye 20kl.
> Kompreneble, me esis l'unesma. L'organizanti e me.
>
> En la maxim granda salono esis lejera manjaji e ne
> tante lejera drinkaji. Me havis la honoro apertar
> l'unesma botelio de champanio e me quik tostis kun
> "Big Mama Lucre" (tale me nomizis l'organizantino).
> Pose, me anke tostis kun "Big Papa Ido" (la tre
> simpatioz organizanto, ilqua, pos lernir la nomo di
> nia linguo, multafoye repetis ol e promoceskis ol.
>
> Plu tarde, ariveskis la yena docisti: elta di la
> Portugalana-Brazilana (kun elua Baska spozo e
> filiino), elta di la Greka ed elta di la Serba (vi ne
> men
> questionez pro quo, ma me sempre SAVIS, ke me,
> ek l'omna posiblesi, renkontras kun elu, quankam
> advere me ne previdis renkontror anke kun sua spozo).
>
> E pro quo me jus skribis "ek l'omna posiblesi"?
> Pro ke nul altra docanto asistis al homajo-festo.
>
> Ultre l' champanio, ni anke drinkis "caipirinha",
> elaborita
> dal Brazilanino (kompreneble). E kelke la muziko
> sonis.
>
> Brazilanino (+), Grekino, Serbianino (+), du
> Equatorial
> Guineani (l'organizanti) e me ipsa...
> Ni babilis, sempre tre harmonioze, pri linguo,
> politiko,
> religio, sexuo, personal anekdoti, edc.
> Ni anke manjis granda kuko, donacajo de gratitudoza
> lernanto qua interesesis da preske omna lingui.
>
> Hike, Ido havis nula specal protagonismo: ni esis
> asemblo de personi, qui interkomunikis per la Hispana
> e la Kataluna...
>
> L'organizanti dicis: "depos morge, ni komencos laborar
> por la venontayara Festilingua". E me pensis e dicis:
> "to pensigas da me pri 'Fallas' che Valencia".
>
> Unesme livis la Grekino e plu tarde la Brazilanino kun
> sua familio... Ye 22.30kl., anke la cetera livis, to
> es, la
> Serbianino (sempre kun sua spozo) e me ipsa...
>
>
> Til baldega nexta raporto pri "Festilingua 2004"!
>
>
> P A R T A K A