Kara Partaka:
Malgre la mikrega nombro de lernanti me opinionas ke Ido ya sucesis,
pro ke esar kune la cetera lingui en linguala kunveno esas suceso.
Me joyas pro tua kunlaborado la Esperanto-docero, me esperas ke ulu
esperantisto deskovros Ido e tale il povas interkomparar.
Irgamaniere, semblas (pos lektir tua diskurso) ke Festilingua 2004 ne
havis multa vizitanti, ka no?. Pokope Ido "famozigas", danke, inter
altri, tu.
Gratuli e danko!
Adrián Pastrana



--- En idoespanyol@yahoogroups.com, Partaka <qualevistandas@y...>
escribió:
> Saluto, Idistaro!
>
> Quon vi suspektas ke eventis che "Festilingua 2004",
> se lor la homajo-festo, nur quar docanti asistis ibe?
> Ya mikra dizastro! Evidentesas ke ulo faliis.
>
> Ankorfoye me dev insistar pri l' modesteso dil
> organizuro, e anke pri l' fakto ke "Festilingua 2004"
> esis olua unesma "Festilingua".
>
> La sideyo dil Instituto lokizezas en maxim central
> Barcelona. La reklamo per l'inter-reto esis bona.
> Quankam l'organizanti, principe, pensis pri pago
> simbolal por enirar "Festilingua", ad-fine li decidis
> favore al gratuiteso por l'omna interesati...
>
> Me savis nulo pri l'eventi til ke me vizitis
> l'Instituto
> jovdie, 30 di septembro (l'Ido-dio esus venerdie, 1ma
> di oktobro, e me decidabis flarar l'ambiento e mem
> enirar ul aulo kom lernanto... E quon me trovis ibe?
>
> Me saveskis, ke l' diskursi pri kelka lingui ne
> eventis,
> specale le matinal, sive pro manko de lernanti, sive,
> e maxim kurioza, pro l'absenteso de plura docanti...
> La docero dil Araba-Egiptiana, me ipsa audis, erorabis
> pri lua dato: il dicis kredir, ke ol es ye l' 28 di
> oktobro,
> ma desfortunoze ol ESIS ye l' 28 di setembro.
>
> La diskurso pri la Hindia eventis, ma por mikrega
> nombro de lernanti. Tal mikrega nombro de interesati
> esis vartanta l'arivo dil docanto pri Esperanto (il
> arivis
> 45 minuti plu tarde, tamen me kredas ke, fakte, il
> arivis
> 15 minuti plu frue, pro ke sua horo chanjesis e,
> probable,
> nulu informis il pri l' novajo. Dum vartar, me ya
> komencis
> promocar Ido inter la vartanti...
>
> La diskurso pri Esperanto eventis. Me decidabis
> salutar
> la docero ed enirar e suportar sua diskurso (on devas
> vizitar e helpar onua familiani, ka ne?). Fininte la
> diskurso, ni interparolis e lu, jentile, sendis
> informo aden
> "sua Esperantal forumo" pri mea Idal suporto, mea
> venonta Ido-diskurso, e pluse rekomendis a sua
> samforumani enirar, se posibla, mea lerno-chambro, e
> vizitar la forumo IdoCatalaOccitan: il men sendis
> kopiuro.
>
> Pose, la diskurso pri la Japona eventis, ma nulo
> chanjis
> relate la mikrega nombro de lernanti. Mem la Japona!
>
> Kande me eniris l'Instituto ye l' sequanta dio,
> venerdie,
> l'Ido-dio, me saveskis ke dum la tota semano eventis
> nul aktiveso programita de 16kl. til 17kl. (nul
> ateliero
> Araba, China, Japona o Hindia). Pose, me saveskis
> ke anke ne eventis l'aktivesi anuncita depos 22kl.
> (kompreneble, me decidis ne mem intencar la
> ventro-dansado). Dansar... por qui? Ka por la muri?
> E plusa manko de lernanti e docanti, e tant altra
> diskursi ne eventita,
>
> Plu tarde, on men informis ke eventabis konkurso di
> "aualé", tre popular Afrikana tablo-ludo, e ke l'
> vinkinto
> esis viro Okcitana, qua vehis de Toulouse per auto.
>
> Ed Ido? Quo eventis pri Ido...?
> Mea diskurso pri Ido EVENTIS, ma anke kun mikrega
> nombro de lernanti. Me havis la honoro docar docisti
> quala ilta di la Hebrea (ilqua kelke interesesis da
> nia
> linguo) od ilta di la Kataluna e l'Okcitana (ilqua
> esis
> interesata da preske omna lingui). Ta lasta esis la
> gratitudoza lernanto, qua donacis granda kuko a ni.
>
> Me ya duris mea diskurso e docado admaxime, nam
> la du sequanta diskursi anke ne eventis. E me donacis
> imprimita informo/reklamo pri Ido al interesati.
>
> Mesajo sendita da nia samideano R.B. Carnaghan
> al organizanti, kelke helpis nia skopo promocal.
>
> Ka ni atraktis nova e fervoroza Ido-lernonti?
> Me ne kredas lo, ma me savas ke nia partopreno che
> "Festilingua 2004" penvaloris. E penvaloros nextayare.
> Ka ni advere koncias pri l' homal nulsaveso Idal?
> Tamen, Ido duras progresar e sucesar...
>
> E nun, se vin plezas, ni debatez pri l' temo!
>
> Esez paco kun vi omna!
>
>
> P A R T A K A
>
>
>
>
>
> =====
> Maxim kordial bonveno aden IDO-CATALA-OCCITAN!
http://es.groups.yahoo.com/group/IdoCatalaOccitan/
>
>
>
> ______________________________________________
> Renovamos el Correo Yahoo!: ¡100 MB GRATIS!
> Nuevos servicios, más seguridad
> http://correo.yahoo.es