Partaka skribis:
> La kantisto Kataluna, Joan Manuel Serrat, pos
> operacesir sucesoze ye l' 15ma di novembro (se me
> bone memoras), riaparis prehiere che l' sideyo dil
> SGAE (Societo General di Autori ed Editeri) en
> Barcelona, por 'parlar', koram la jurnalisti, pri ilua
> nuna sanesala stando.
> "Serrat: quale vu standas?", questionis ulu.
> E Joan Manuel respondis: "Nuninstante, ta questiono
> rimemorigas da me pri l'aktorino Katherine Herpurn
> ed elua respondo, kande ulu questionis el lo sama,
> lor elua oldeso...". E Serrat duris e citis elua
> frazo:
> "Me standas bone, ne atenciganta pri detaleti".
> Pose, il klarigis ke sua sanesala stando es ya plu
> bona kam ol povus esar, ma ne tante kam il prizus.
> "Ka vu savas 'quande' vu povos riaparar kom
> kantisto?", on questionis il.
> "Me sincere ne savas lo", respondis Joan Manuel, e
> per lua humuro-senso adjuntis: "Ma me esperas
> riaparar ne plu tarde kam Larsson" (Sueda futbalisto
> dil FC Barcelona, nuntempe exter la trupo pro grava
> frakturo).
> Larsson ya es fortega, e forsan il surprizos ni omna
> per sua ne tante tarda riaparo...
> Ni esperas e deziras, adminime, tala chanco e fortuno
> por nia admirinda kantisto ed autoro.
> Serrat: standez bone! E anke vi omna, samideani!

Yes! Anke me vidis parto de ta interviuvo, ed anke me tre juas ke
Nano ja esas itere saneskanta. Proxime ye la sama dato kande ni
saveskis en Arjentinia ke Serrat parirabis sucesoze sua operaco,
milioni di Arjentiniani (me ikluzita) grandege tristeskis pro la
morto dil ecelantega jurnalisto e humuristo Arjentina Adolfo Castelo
(sunomizita ironiisto) qua subisis la sama maladeso kam Serrat. Il
esis grand amiko, parenteze, di via samlandano Joaquín Sabina, qua
tre emoceskis parolante telefone al kunlaboranti di Castelo. Do me
experiencis la grandega tristeso perdar admirato e samatempe la
feliceso retrohavar altra admirato. Tale es la vivo!

Danko pro l'informo, e pro l'expliko pri Larsson. Me ne komprenabis
l'aludo a lu da Serrat, pro ke me ne savis qua lu esas.

> PS.- Eduardo: danko pro vua letro pri l' "duopla nego".

Ma to es tote nedankinda. E pluse, ol es nulo plusa kam supozaji bone-
intencanta, til ke ulu plu autoritatoza konfirmos o korektigos mea
opinioni.

Vi omna standez bone,

Eduardo A. RODI.