Kara Partaka



Vu montras ligilo en vua mesajo por ke la Idisti povez lektar
respondo-mesajo da sioro Hans S. a sioro James C. en forumo che MSN (ne
che Yahoo). Vu permisez a me publikigar en vua forumo ed en altra forumi
ta mesajo da la ULI-prezidanto sioro Hans S. Omni devus lektar olu por
bone komprenar quale agas la prezidanto di organizuro Idala. Mea
opinionon tarelate me ne publikigos nam olu interesus a nulu. Me ne plus
trassendos mesaji da lu a la Yahoo-forumi, nam lu ipsa darfas sendar ta
mesaji direte, sen pregar ad altro la sendo.

Ye ula monati ante nun me ipsa decidis ne plus sendar mesaji da me a la
forumo Idolisto, e de ta dio me sendis nula plusa mesajo, ecepte ti pri
la edituri di ISH e di Editerio Krayono.

Cetere siorin Martignon e Takata me tre multe prizas.

Kordiala salutin sendas

Fernando Tejón.



Yen la mesaji:

<<<<<<<<<<<<<<<<<<<<



Kara James,

Me regretas venir a me konkluzo ne plu volar esar membro di irga
Yahoogrupo.
Me tante deceptesas ed iracegas pro l'ago di Yahoo, efacar la grupo
Geylesidist, quan me ipsa quaze konstruktis dum la yari, sen irga
expliko,
notifiko o motivo. Quale me povas savar quon me misagis? On mem ne donas

chanjo a me. Ka me devas kunlaborar kun tala desfidinda partenero?

Geylesidist havis 80 membri (!). Komprenende, ne omna esis Idisti, multa

simpatianti nehomeosexuala, multa homeosexuali ne-Idista, ma kun omni
kun l'
intenco lektar la mesaji skribit en Ido. Me mem ne havis chanco avertar
li
pri l' intenco di Yahoo, Yahoo decidis e strokis senaverte.

Me sentas ke nun plu kam ulafoye antee oportas havar propra Ido-tereno
ube
nula extera partio havas la yuro o posibleso strokar quale Yahoo. Nulu
qua
povez nocar o sabotar l' Ido-forumi e verki. Ni bezonas nia propra
tereno,
ube ni, Idisti, decidas ka ni volas reklam(ach)o, kun nia reguli e legi.

Me koncias ke MSN ne es tre diferanta kam Yahoo, lo sama povas eventar
che
MSN. Ma provizore MSN funcionas kom eskapeyo (o shirmeyo) ube me povas
laborar (anke provizore) nejenata da Yahoo.

E por ti qui ne deziras uzar la posiblesi forumala di MSN, tre
kompreneble,
me anke esos atingebla per la forumo "en Ido" di la Nord Amerikan
Ido-Societo.

Vu savas ke me ne es religioza, ma vua metaforo 'kirko' me komprenos
prefere
kom 'eklezio'. Ido es mea eklezio, ma olua edifico (kirko de
Yahoo-materialo), es ne-apta. Vice vartar til ke la proprietanto dil
edifico, Yahoo, decidas anke senaverte e tote neyuste ekkirkigar la
resto
dil Idistaro, me preferas irar a plu sekura plasi, ed eskapis.

Vu sempre esis bona amiko, e me esperas ke vu restos komunikanta kun me,

quale me dicis, sive per MSN, sive per "En Ido" di la NAIS.

Certe, me indijos l' Idisti che Idolisto ed altra forumi, e me esperas
ke
venez balde bona solvuro. Forsan es posibla intertempe transsendar la
mesaji
di Yahoo-forumi a la MSN-forumi, o la forumi di la NAIS?

Cetere, me esperas ke vu ne komparez me kun Martignon e Takata pro lia
karaktero. Mea motivo es diferanta kam lia motivo. Me ne livas Idolisto,
ma
Yahoo, to es la difero.

Saluti amikala,

Hans St.
(Vu havas permiso transsendar ca mesajo ad Idolisto, se vu deziras).
--
Divenez membro di ULI (Uniono di la Linguo Internaciona, Ido). Membri
gratuite recevas l' ofical organo Progreso.
- http://www.idolinguo.com/

YAHOO CENSURAS, BOIKOTEZ YAHOO!!! UZEZ ALTRA FORUMO-PROVIZERII:

http://www.idolinguo.org/
http://groups.msn.com/MondalistiAltramaniere/
http://groups.msn.com/Idisto
http://groups.msn.com/IdoHispania
http://groups.msn.com/IdoNederland


> Kara Hans
>
> Me savas nur ke vu perdis che YahooGroups vua forumo por idisti
> homeosexuala. Ico es regretinda afero, ma quale vu savas certe ke
> koncernas
> censuro da Yahoo? Ka ne es posibla, ke la efaco di vua listo esis nur
> eroro? Anke me agnoskas ke la servo che Yahoo ne es perfekta, ma la
fakto
> es, ke nia Ido-forumi es preske omna che Yahoo; Idolisto havas ibe plu
kam
> 200 membri. Ka la prezidanto di ULI devas boikotar sua maxim granda
> "kirko"
> en la interreto pro personala deskontenteso?
>
> Me komprenas vua motivi, ma me opinionas ke vu agas tro hastoze e
> tro-reaktas. Ja importanta idisti Martignon e Takata renuncis
Idolisto, e
> singlafoye la listo perdas richeso. Nun vu foriras, e qua restos hike?

> La
> fresha idisti sendas maxim multa mesaji, dum ke la experiencoza idisti
> (Kasper, Bol, Neusser, Anton, Martignon, e nun vu) rare o nultempe
> skribas.
> Me sentas ke la experiencoza idisti abandonas la movemento e la fresha
> idisti, qui bezonas lia guido.
>
> Me pregas vu ri-pensar vua decido e restar che Idolisto.
>
> Kordiale, James Chandler

>>>>>>>>>>>>>>>>>>>>



-----Mensaje original-----
De: IdoCatalaOccitan@yahoogroups.com
[mailto:IdoCatalaOccitan@yahoogroups.com] En nombre de idovalencia
Enviado el: lunes, 08 de agosto de 2005 2:41
Para: IdoCatalaOccitan@yahoogroups.com
Asunto: [IdoCatalaOccitan] Mesajo lektenda



Bon jorno, ICOanaro!

Voluntez vizitar la forumo MondalistiAltramaniere,
e parlektar maxim interesanta mesajo publikigita ibe...

Mesajo-dato: la 5ma di agosto 2005

http://groups.msn.com/MondalistiAltramaniere/

Vi omna juez bona dio!

* * * * * * * *
p a r t a k a
* * * * * * * *



[Se han eliminado los trozos de este mensaje que no contenían texto]