Kara sioro Iovannes Martinus,

"Necessitas dat legem, non ipsa lex accipit necessitatem".
Do espereble la guvernisti fine komprenos ke Ido (Latina linguo
modernigita, simpligita e regulizita) esas solvuro por la problemo di
interkompreno. La bezoneso existas, Ido esas olua solvuro.

Vale.

Ferdinandus Meles.
"Hominis mens cogitando alitur".

-----Mensaje original-----
De: idoespanyol@yahoogroups.com [mailto:idoespanyol@yahoogroups.com] En
nombre de Jean-Claude MARTIGNON
Enviado el: miércoles, 01 de marzo de 2006 10:51
Para: idoespanyol@yahoogroups.com
Asunto: [idoespañol] Dialektala diferi

Kar amiki,

Quankam me nultempe lernis la Hispana, me povas komprenar multo de la
mesaji qui sendesas Hispane. Por ni, Latinidi, nia linguala diferi esas
plu dialektala diferi kam vera idiomala diferi. Olim, en fora tempo, ni
parolis la sama linguo. Anke la Arabi olim parolis la sama linguo.
Quankam ol nun dividesis aden multa dialekti, la Arabi havis la sajeso
mantenar la komuna literaturala linguo. Kompreneble ica linguo quankam
ol esforcas mantenar la tradicionala klasika idiomo Araba, kelkete
evolucionis e plusimpleskis depos mil yari. Ma ol permanas. La Arabi qui
havas la posibleso irar a skolo, lernas ica komuna linguo e nule
dialekto. Kom rezulto, instruktita Arabo di Maroko povas tote bone
komprenar Arabo di Irak od Egiptia e komprenigar su da lu. Nulo devabus
impedar la Latinidi mantenar la komuna Latina linguo. Forsan kelke
evolucioninta e plusimpligita. Se esus tale, lore tota west-Europa
parolus la Latina + Rumania. Parto de nord-Amerika, mez-Amerika e tota
sud-Amerika parolus la komuna Latina. Tre granda parto de Afrika e parto
de Azia parolus la Latina. En Polinezia anke parolesus la Latina. Tale
la internaciona linguo, nunepoke, ne esus la Angla ma nia komuna Latina
idiomo. Me tre regretas ke misintelektita patriotismo promocigis
regionala dialekti Latinida kom nacionala lingui e tre plufebleskis nia
kulturala identeso. Forsan, se ni havus chanco, Ido povus divenor ica
komuna Latina idiomo quan ni indijas.
Latinatra saluti. JM :::-:::



Aprenda Ido, la lengua más facil, para todo el mundo:
http://members.tripod.com/~avancigado
http://ido.li
Enlaces a Yahoo! Grupos


idoespanyol-unsubscribe@yahoogroups.com

http://es.docs.yahoo.com/info/utos.html





______________________________________________
LLama Gratis a cualquier PC del Mundo.
Llamadas a fijos y móviles desde 1 céntimo por minuto.
http://es.voice.yahoo.com