<><><>

Kar amiki,

Me expresis la desquietesko quan me havis pro la absenteso di Fernando di nia
forumi e pro lua nerespondo a mea mesaji, kelka dii ante nun. Respondesis ke
Fernando laboregas por ADAVANE ! e ne havas suficanta tempo por okupar su pri
ulo altra. Yes, ma cadie, il anuncas nulo pri ADAVANE ! e quale ni omni savas,
til nun, il publikigis tote akurate ica revuo irgakuste. Quo eventis a lu ?
Quale savesas, la regiono di Hispania quan lu habitas, devastesis per incendii
e fairo. Kad pro ico il ne plus povas sendar komputilala mesaji ? Me ne tro
kredas nam la incendii finis ja depos kelka semani. Kad il havas personala
komputilala problemi ? Ico esas posibla, ma me supozas ke il solvabus oli dum
periodo de kelka dii. O, kad il havas ulo plu mala ? Kad familiala trauro,
maladeso od acidento ? O tote simple e min dramatatre ka lu livis nia movadeto ?
Me volunte telefonus a lu, ma me ne audacas agar lo, nam kustumale me devis
avertar lu pri ico per e-mesaji, e semblante il ne plus lektas oli. Kad nia
Hispana samideani havas la posibleso diskrete informesar pri to quo eventis e
pose savigar lo da ni ?
Predanko por ti qui agos tale. Desquieta saluti. JM :::-:::

<><><>