MEA VIVO KOM IDISTO, da Eberhard Scholz


Konvinkita pri la progreso ciencala-teknikala

Kom civitano di la perisita stato GDR me nur lerneskis
la Rusa linguo, quankam existis skoli en qui esis
docata altra stranjera lingui. Pro ke generale on ne
povis voyajar ad omna landi, multi (ne omni ) revis
pri fora landi e la kuriozeso kreskis konstante. Do
mea deziro konoceskar la mondo anke esis tre forta.
Probable, pro ica kauzi, multa GDR-ani korespondis kun
homi di la tota mondo. Tatempe me ipsa joyis
talamaniere recevir anke exotika postmarki e tre bela
vidajokarti.

Kande en yaro 1964 eventis expozo pri vidajokarti en
lora kulturopalaco Murchin, ibe me renkontris homo,
qua akompanadis mea vivo til hodie. Lu esas l´olima
docisto di la lingui Germana ed Angla, la hodia
honorprezidanto dil ULI sioro Günter Anton. En ica
expozo Sioro Anton questionis me: Pro quo vu
korespondas per tante desfacila linguo kun la mondo,
quale la Rusa ? Unesmafoye me saveskis da il pri la
projetita lingui, specale pri Esperanto ed Ido. Lu
explikis konvinkive l´avantaji di neutra lingui ed
anke la diferi dil amba lingui. Balde me esis
inflamata pro ica reala kreuri.

En ita tempo la statal interdikto koncerne omna lingui
internaciona esis abolisita. Ma la espero, ke omna
artificala lingui esus permisota, manifestis rapide
kom iluziono. On permisis nur Esperanto. Kad esis la
posibla kauzi ? En alta oficeyi guverniala lore sidis
Esperantisti. Segun lia opiniono lia linguo esus larje
difuzita.

En mea lora hemo-urbo Anklam sioro Anton , altri e me
balde fondis un de unesma Esperanto-klubi en la GDR.
Ibe me lerneskis Esperanto, reklamis e propagadis ica
linguo.

En la yaro 1968 eventis internaciona Ido-renkontro en
la exterlanda , kapitalismal urbo West-Berlin. Pro ke
la ne-west-Germana Idisti de Europa povis envoyajar
sen-probleme la GDR, me havis unesmefoya okaziono
audar dialogi e konversadi inter diversa nacionani.
Talmaniere me experiencis la praktikala funcionado di
ca linguo, quankam me savis nur poka Idovorti. Anke
pro la konstant argumentado da sioro Anton me
okupeskis me plue pri Ido. Malgre la nombroze plu
forta Esperanto-movemento, l´avantaji di linguo
institucenda future konvinkeskis me.

Okazione la mondala festaro di la yunaro e studianti
1973 en Berlin me esis vizitita da Donald Gasper. Ofte
me vizitis en Szczecin la Polona Esperantisto Edward
Jaskiewicz, qua anke esis simpatianto di Ido. Ica
travivaji omna instigis mea entuziasmo pri nia linguo.
Esperanto - yen mea pasinto.


[...]

- -- --- ---- ----- ------ -------


Saluti e til balde!


P A R T A K A
* * * * * * * *

--
[p_M]
http://es.groups.yahoo.com/group/posta_Mundi/





________________________________________________________________________________\
____
LLama Gratis a cualquier PC del Mundo.
Llamadas a fijos y móviles desde 1 céntimo por minuto.
http://es.voice.yahoo.com