Kara samideani:

Me tradukis artiklo di Wikipedio en la anglana aden Ido por omna de
ni. Surprizante, ne existas tradukuro en la Hispaniana en Wikipedio
pri la temo:

---

Jesus Garcia Corona (* 1881 - 1907 +) esis Mexikiana fer-voyisto qua
ocidesis dum ke il esforcis salvar la urbeto Nacozari de Garcia, en la
Mexikiana stato Sonora, ye la 7ma di Novembro di 1907, kande il evitis
ke treno kargita per dinamito explozis en la urbeto. Il esas
konsiderata nacionala heroulo e multa plasi, stradi e vilaji nomesas
per sua nomo.

Il naskis en la Sonorana urbo Hermosillo. Ye la yaro 1898 sua familio
moveskis al minera urbeto Nacozari, ube sua patro laboreskis kom
forjisto. Ye la evo de 17 yari il laboreskis en la Moctezuma
Kupro-kompanio, ma pro kauzo di sua evo il unesme laboris quale
aquokargisto, e pose il esis promocita kom frenagado-laboristo, pose
kom pumpisto, e tandem, kande il evis duadek yari, kom treno-pilotisto.

Il esis la treno-pilotisto en la voyo Nacozari-Douglas (Usa). Dum la
7esma di Novembro di 1907, il esis repozanta en treno-staciono di
Nacozari kande il vidis ke incendio komencis en un del vagoni dil
treno, olqua trasportis plura tuni de dinamito por la mineyi. Il quik
abordis la lokomotivo e pilotis la treno fore la urbeto til atingar
sis kilometri, kande la vagono explozis, ocidinta Jesus Garcia e plura
ped-pasanti, ma il salvis la maxim granda parto dil urbeto.

On konstruktis statuo en sua honoro e chanjesis la nomo dil urbeto
Nacozari a Nacozari de Garcia. La Amerikana Reda Cruco deklaris il kom
Heroo dil Homaro. Multa Mexikiana stradi nomizis per sua nomo ed on
kreis folklora kansono nomesata "Maquina 501" (Mashino 501, la
lokomotivo quan il pilotis kande il ocidesis). Anke existas sportala
stadio nomizata per sua nomo, la stadio "Heroo di Nacozari".

On parolas quale legendo ke kande on serchis la korpo di Jesus Garcia,
on trovis un de lua brakii ankore sustenanta la levero di frenagado
dil lokomotivo.

---

Me dankos irga korektigo

Kordiale
JCR:::.