SANTA NIKOLAOS
Tri kindi* en la salizuyo di maligna buchisto. Tri povra yunini dotizita per
stipendio. Granda quanto de donaci e sukraji. Kostumo qua forprenesos de lu dal
Kristnasko-viro. Tala esas santa Nikolaos, qua tante amesas dal kindi*, kande il
ne sequesas da Patro flogisto, pri qua ula homi asertas ke il esas la mortigera
buchisto kondamnita da nia santulo sequar ilu ad omna loki e nulaloke amesar. La
nekredebla famo di Nikolaos transiras la frontieri di Oriento ed Ocidento. Ica
yunulo naskis en Likia ed elektesis kom episkopo di Myra en nuna Turkia. Il
salvesis de persekuto kontre la Kristani ma konservis en su granda anmala
vunduri efektigata da olu. Il partoprenas la koncilo di Nikea en 325, ed havas
apostolala aktiveso super omna komparo, qua akompanesas per mirakli e marveli.
Nikolaos alejas omna sufradi. Il transmondeskas en 343. Lua kadavro
transportesas en Bari, Italia, en 1087. Muelisti, butikisti, komercisti pri
vino, mariajota yunini, apotekisti e vendisti di metal-vari, fripisti e
botifisti, parfumisti, advokati advokas lua protektado. Ilu esas la protektanto
dil mari, di Rusia, di Lotringia, il esas anke famoza pro lua konjektata
kapableso kombatar la reumatismi, la ciatik-nevralgii e la sterileso.

PIA DIO-PENSI :
- "Lasez venar a me la infanti, nam la rejio di Deo apartenas a ti omni qui
similesas li." (Iesus)
- "Liberigez ni de omna bezoni, ho santa Nikolaos, per tua pregi a la Sinioro
Deo."


Matinala kloko havas oro en la boko.
Mala vetero ne duras eterne.
Omnu havas sua propra gusto.
Qua multe babilas poke pensas.
La absento sempre nejustesas.
Al felico mem hanulo donas ovi.

[Se han eliminado los trozos de este mensaje que no contenían texto]