SANTA AMBROSIUS
"Ambrosius ! kom Episkopo !" La klamado divenas sempre plu forta. La yuna
prefekto di Milano celesas. "Ambrosius ! kom Episkopo !". Ambrosius naskinta en
Trevira, (nunepoke Trier en west-Germania NDLT), filiulo di supera funcionero,
ecelanta advokato ipsa, komencis administreriala kariero kom guberniestro di
Milano. Il ne ja esis baptita, e yen ke on volas igar lu kom episkopo. Foligita,
il fugas, ma il misiras e retrovenas a lua departo-punto. On kaptas lu e lu ne
plus darfas refuzar. Dum periodo de un semano, yen ke Ambrosius esas baptita,
ordinacita kom sacerdoto e pose kom episkopo. Il evas 34 yari. Lore il
rikomencas studiar por lernar la teologio. Il divenas extraordinara pastoro.
Ilu, qua esas maniika pri literaturo e specalisto pri la Greka linguo, guvernos
sua Eklezio kun prudenteso, inteligenteso e forteso. Il kompozas himni (ni debas
a lu la "Te Deum") por la liturgio, korektigas la doktrinala erori, sorgas la
povri, e ne tacas opoze a la misuzi di povo da la guvernisti. Il mem ne timas
kondamnar la imperiestro Theodosus, qua organizis la masakro di Thessaloniki.
Lua diskursi fervoroza e splendida establisas lu kom un de la maxim granda
fido-doktori di Ocidento. Il transmondeskas en 397, evanta lore 58 yari.

PIA DIO-PENSI INSPIRATA DA AMBROSIUS :
"Nula parolo sensenca ekirez tua boko por misirar a la vakuajo".
"A Tu, ho Deo, irez nia laudo, tun laudegas ni, nam tu esas la Sinioro." (debuto
dil "Te Deum")


Matinala kloko havas oro en la boko.
Mala vetero ne duras eterne.
Omnu havas sua propra gusto.
Qua multe babilas poke pensas.
La absento sempre nejustesas.
Al felico mem hanulo donas ovi.

[Se han eliminado los trozos de este mensaje que no contenían texto]