SANTA ROMARIKUS
La korto dil rejio Austrasia (nuna nordest-Francia) dum la fino dil VIma
yarcento, esas nesto de komploti, de asasini e de violento. Ye la morto di
Childebertus II, la patro di nia santa Romarikus, qua sustenabis sua rejo,
mortigesis dum sangoza batalio e lua posedaji konfiskesis. Lore, Romarikus iras
implorar, genupozinte, ye la pedi di Arigus, episkopo di Lyon, por obtenor la
restituco di lua havaji. Kom unika respondo, la dicita prelato lansas sua pedo
aden lua boko. Lu esas tre desfelica e iras pregar an la tombo di santa
Martinus. Ye la sequanta dio, fatigita pro la intrigi, e pos askoltir la monako
Amatus, Romarikus vendas sua restanta posedaji ed eniras la abadeyo di Luxeuil,
dum ke il ofras sua domeno ad ol. Kelka yari plu tarde, il fondas monakerio
kompozita per komunajo de monakini, qui komisesas por la perpetua laudado dil
Sinioro Deo. Dum ke la monaki ipsa efektigas la liturgiala servo e vivas,
precipue, kom ermiti. Pose, Romarikus sucedas Amatus kom lokala abado.
Multanombra mirakli signizas la vivo di Romarikus, qua transmondeskas ye la 8ma
di decembro 653 pos periodo de duadek-e-kin yari kom abado. Lua monakerio
haveskos la nomo Rombeck, plu tarde Saint-Mont e, fine, Remiremont segun
deformata formo dil nomo di nia aludita santo.

PIA DIO-PENSO :
"Vartez dum kelka tempo, Deo qua povas omno donos ad onu to quon onu bezonas !"
(Santa Romarikus)
"Ho afabla karitato, tu qua esas la maxim bela de omna vertui, lumizez me,
guidez me e tirez me, fine, a tu. Me deziras ardoroze acensar til la palaco ube
tu habitas. (Ioannes Klimakos, monako di Sinai, lor la tempo di Romarikus)

EXTRAKTITA DE RUBRIKO REDAKTITA DA DEFENDENTE GENOLINI E PUBLIKIGITA EN LA
GRATUITA DIALA JURNALO "MATIN PLUS"


Matinala kloko havas oro en la boko.
Mala vetero ne duras eterne.
Omnu havas sua propra gusto.
Qua multe babilas poke pensas.
La absento sempre nejustesas.
Al felico mem hanulo donas ovi.

[Se han eliminado los trozos de este mensaje que no contenían texto]