Yes, en west-Europa, konseque anke en Francia la situeso similesas
olta di Britania. Nur, la situeso esas plu akuta en Britania, pro ke
la enmigrado da Mohamedisti duras de plu longa tempo ibe kam en altra
Europana landi e pro la toleremeso di ta lando. Takaze, la toleremeso
havis mala konsequi. Tamen, on savas plu bone pri la situeso en
Britania pro la ecelanteso dil Britaniana jurnalaro e pro la nuna
internacioneso dil Angla patuazo*. En Germania, pasinta-semane,
eventis incendio en domego lojata da Turki en la urbo Ludwigshafen,
west-Germania. Esis kelka viktimi. Diversa personi kredis ke
parolesis pri rasista atento kontre Turki pro ke la Germani ne amas
la Turka (Mohamedista) enmigranti. Tamen, pruvo pri ico ne existis.
Nu, la Turka guverniestro venis a Germania por asistar la enterigo
dil viktimi e demandar a la Germana guvernerio protektar la Turki
serchar la malfacanti ed impedar rasista atenti kontre Turki. Til-
lore esis nulo kritikebla, ma ultree il postulis ke on kreez en
Germania Turka skoli ed universitati ube la doco-linguo esos la
Turka. Ico tre shokis multa Germani, nam ico impedus la absorbo dil
Turki en la Germana socio e permanigus stranjera elemento sempre
kreskanta (la Turki, ya, havas multe plu multa filii kam la Germani).
Ico konformesus a vera koloniigo di Germania. Tale esas la situeso
nun en west-Europa. Kelka politikala fakani parolas pri Eurabia, t.e.
Europa koloniigita da Mohamedisti e di qua la guverniestri subornesis
per multa pekunio por aceptigar la Mohamedista koloniigo di Europa.
Forsan, ica Eurabia esas nur legendo, ma omna eventas quaze ol esus
realeso. Afliktita saluti. JM :::-:::

--- En idoespanyol@yahoogroups.com, "Jose Cossio Ramirez"
<jlcossior@...> escribió:
>
> Yes, me parlektis l'artiklo quan vu rekomendis. Me vidas ke la
situeso
> ibe esas pri l'existo di du juciala sistemi, ma nur un de oli esis
la
> legala sistemo, ta qua apartenas al guvernerio, e la duesma
funcionas
> surbaze la kustumi dil Islamana populo (pardonez a me
uzar "Islamana",
> ...no, vice Mohamedista, nam me sustenas lo pri la fakto ke la
> praktikanti dil Islam esas Islamani vice Mohamedisti nam Deo -Allah-
> esas quan li adoras vice Mohamed, ulo ne-aceptebla por la Islamani).
> Hike ne havas exemplo pri la preso dil mayoritato: "Tu esas
Islamano,
> e se tu lojas kune ni, Islamani, tu mustas obediar la Sharia".
>
> Ma ulaloke la Britaniana legaro devas existar ke la personi en
> Britania regulesas per la Britaniana lego e nulo plusa, irgequala
esez
> lia origino, Europana od Islamana (Arabana). Se la problemo esas la
> augmentado dil krimino (se lo eventas ek la extervenanta personi) do
> on darfus uzar specala lego por judiciar li, ma nur se la persono
> aceptas lo, e se lu ne aceptas juciala proceso en lua originala
grupo,
> lore la nacionala lego povos judiciar lu. Me ne esas fidinda ma en
mea
> propra stato (regiono) existas plura indigena populi qui darfas
> judiciar sua propra kriminali per sua propra tradicionala legi, ma
me
> kredas ke se la krimino surpasas la sfero di sua populo, lore la
> statala judiciala sistemo asumas la situeso.
>
> Pri la situeso dil enmigranti, quala esos la origino dil problemo
dil
> west-Europani pri la poka filli quin li generas? Ka la augmento di
evo
> dil originala habitantaro? Ka la augmento di responsiveso dil
> west-europani pri la nasko-kontrolo? Ka dum ke li havas un o du
filii,
> la enmigranti havas tri, quar o plusa filii? Juste pro to balde la
> enmigranti esos la mastri di Europa.
>
> Ma til cainstante ni, vu, Francano, e me, Mexikiano, parolas pri
> situeso en Britania. Ka vi, Franciani, subisas la sama problemo quan
> la Britaniani subisas? Ka vu konocas Islamano e vu parolas pri la
> problemo libere? Ka lu dezirus divenar Francia quale altra Arabana
lando?
>
> En mea kontinento ni havas simila questiono: Usa e Latinamerika.
Multa
> latinamerikani enmigras Usa e li provokas multa problemi legala:
> krimino, drogi, e.c. Ma la lego esas plu o min bona. Se on eniras
Usa
> legale, on havas multa oportunajo sucesar se on laboras harde. Ma
til
> nun Usa ne pensas facar legi qua servas nur por enmigranti (ecepte
ti
> qui impedas la nelegala enirado). Om mustas respektar la Usana
> legaro, e fakte multa enmigranti dankas lo, nam la legi en sua
> originala landi ne respektesas same kam en Usa.
>
> E vu ne kredas ke ni, Mexikia, esas felica nuntempe. Catempe eventas
> en mea lando ondo di violenteso pro la narkotrafiko, nam la nuna
> prezidanto deklaris la milito kontre la drog-karteli ed il imperis
la
> armeo e la federala forci kombatar la narkotrafikanti. To rezultabas
> en deki de arestita kriminali ma anke la ocido di multa policisti ed
> armeani.
>
> Quankam me kredas ke ne videsos legi quale la sharia en Europa
balde.
> Ka ne? Forsan, vice Rejino de Britania, ni vidos Kalifo de
Britania, e
> ni vidos blonda mulieri marchante en la stradi di Paris e Berlin
> vestizita per chadoro*, segun la lego.
>
> Amikale
> JCR:::.
>
>
> --- En idoespanyol@yahoogroups.com, "Martignon" <martignon.jean@>
> escribió:
> >
> > Por apogar to quon me skribis pri la "sharia" en Britania, me
> konsilas a mea lekteri qui komprenas la Angla patuazo*, "click"-ar e
> lektar la suba artiklo. Me konjektas ke nia samideani komprenas,
> generale, sat bone la Angla patuazo*. Tale nia amiko JCR qua
protestas
> kontre la "sharia" esos plu bone informita pri la vera situeso en
> west-Europa. Britania esas nur pionira lando, carelate, nam la
cetera
> west-Europana landi sequas ol kun tardeso-fristo de kelka yari.
> >
> > http://www.dailyexpress.co.uk/posts/view/34373
> >
> > [Se han eliminado los trozos de este mensaje que no contenían
texto]
> >
>