Compañeiros/as da lista, envíovos información sobre un proxecto no
que estou metido cuns compañeiros, que se chama Escola de Verán e
que organizamos tódolos anos dende Nova Escola Galega. Son unhas
xornadas dedicadas á renovación pedagóxica, é decir á formación de
mestres, educadores e interesados no tema da educación en xeral.
Celebrámola de xeito itinerante polos concellos de Ortegal e
Ferrolterra e este ano tócalle a Fene. Vai ser entre o luns 5 de
xullo e o xoves 8. Trátanse sempre temas relacionados coa educación
dentro dos valores da cultura galega e dámoslle gran importancia e
prestámoslle gran atención á nosa música. Vouvos anotar as
actividades musicais. O luns facemos unha homenaxe ó monumento do
Camiñante, que tén unha pequena biblioteca na que repoñeremos libros
que desapareceron y que nos cede Edicións do Castro. Contamos con
Isaac Díaz Pardo para este acto y tocarannos un Alalá e unha Jota
Dani Bellón e Pedro Lamas. Despois, no xantar tocará un quinteto da
banda Airiños de Fene. Temos un grupo didáctico- musical, que se
chama Luama e que está formado por 5 mestras/es de música e que dá
formación a outros mestres de música para que poidan dá-las clases
de música dende a óptica da música galega. Traballa especialmente a
música cantada e tódolos xéneros da música tradicional, dende os
alalás ás danzas, ou dende as foliadas ós cantos de oficios,
berce, etc. Tocan gaitas, frautas, acordeón, zanfona, percusións
variadas, etc. Esto serán unhas dúas horas diarias. O martes
teremos unha charla – mesa redonda con Antón Corral que vén dende
Vigo a falar das súas experiencias dentro do mundo da música galega,
dende a visión do músico, do artesán, do investigador e o mestre.
Fai de conductor desta actividade Emilio Españadero, que coñeceredes
moitos como presentador do programa Lume na Palleira da Radio
Galega. O xoves facemos unha homenaxe á mestra de música, escritora
e poeta recentemente falecida Luisa Villalta. Recoméndovos o seu
libro "O outro lado da música, a poesía" – Relación entre ambas
artes na historia da literatura galega. Esta foi unha figura
excepcional da cultura galega que viviu na discreción hata que
desgraciadamente morreu fai uns meses. Este acto conta con Xurxo
Souto e Sofía de Labañou (recitados) Susana Polo (piano) e Iria Rico
(violín). E xa para remata´las actividades musicais, o xoves á noite
faremos o peche habitual das xornadas coa Foliada de Nova Escola
Galega, adicada este ano especialmente á zanfona e que contará coa
participación de Sanfonal Fórtex, trío de zanfonas no que participa
Oscar dos Cempés, Clonmel,dúo de zanfona e concertina composta por
Philip e Toni,bos coñecedores da música europea da zanfona, Luis dos
Carunchos, que virá a recitarnos cantos de cego coa súa habitual
espontaneidade e maestría, Armadanzas, dúo de gaita e acordeón cun
repertorio pouco coñecido e para rematar ainda que non
necesariamente por este orde o Sr. Cociña, gran acordeonista que xa
tocaba polas festas da zona de Viveiro nos anos 50, e gran
profesional da afinación de acordeóns que pon a punto os
instrumentos de moitos e recoñecidos grupos de folc galego.Si
queredes mais información dirixidevos a páxina web:
www.escoladeveranneg.org ou escoitade o sábado 3 Lume na Palleira da
Radio Galega de 5 a 6, onde falaremos de todos estes temas e tamén
da figura do fundador do Festival Internacional do Mundo Celta de
Ortigueira e tamén da Escola de Gaitas de Ortigueira , Xavier
Garrote e escoitaremos as súas impresións na xuntanza celebrada na
Escola de Verán do ano pasado en Ortigueira que se celebrou
xuntamente con Alvaro Xeivane, Pepe Ferreirós, Xurxo Souto e Emilio
Españadero.
Se vos interesa apuntarvos podedes facelo na páxina web ou chamando
os teléfonos 619590758-656997587-609827911.
Saúdos.
Alfonso_cheda°yahoo.es