Aínda teño en casa o panfleto teu que se deixou na biblioteca da
Facultade de Socioloxía na Coruña explicando as diferencias entre
gaiteiro tradicional e marcial.
Creo que este tipo de información ten que ser enviada en masa polos
gaiteiros ós centros galegos que empregan gaitas e percusión NON
GALEGAS. Sen a adecuada e suficiente información, calquer Centro pode
caer no erro e saír o día de mañá ó carón das de Foxo nun encontro en
Manzaneda.
A ilusión dos Centros e Lares por continua-la tradición ten que ser
comprendida. Fan un grande esforzo por crea-las bandas pero os
gaiteiros, xa que a AGG non ofrece resposta, debemos dar un paso e
poñernos en contacto con eles para informar das diferencias, da
inventiva de Foxo.
¿Ti/Vos que pensas/pensades?.

____________________________________________________________________

--- En l-gaita@yahoogroups.com, "Luis G. Corral" <luisgaco@y...>
escribió:
>
> Deputacións Provinciais e gaitas marcianas
>
> O Colectivo en Defensa da Gaita (CDG) quere amosar a
súa gran preocupación polos feitos acontecidos recentemente trala
sinatura dun convenio de colaboración entre a Asociación de Bandas de
Gaitas da Provincia de Pontevedra (ABGPP) e a Deputación pontevedresa
para a implantación de varias escolas que o único que van fomentar,
segundo os antecedentes existentes, será a música de corte militar,
propia de Escocia, e non a galega, tal e como acontece dende hai anos
na Provincia de Ourense coa súa Escola Provincial de Gaitas en mans
da Deputación ourensana. Tralas conversas mantidas coa Asociación de
Gaiteiros Galegos (AGG) a adxudicación deste "ambicioso" proxecto
caeu sen remedio en mans da ABGPP, tal e como xa sospeitabamos moitos
dos gaiteiros e demais xente relacionada coa música tradicional
galega que coñecemos sobradamente este tema. É inconcebible que
institucións da nosa Terra, financiadas con cartos públicos de todos,
fomenten un modelo musical alleo á nosa
> cultura, ignorando e rexeitando as propostas presentadas por
diferentes asociacións e entidades para a posta en marcha deste
proxecto. O CDG non entende como despois de 15 anos sufrindo e
padecendo unha AUTÉNTICA INVASIÓN ESCOCESA EN GALICIA dende a
provincia de Ourense ninguén faga prácticamente nada por evitar este
tipo de acordos que misturan música e política cos cartos interesados
de xente que non ten respeto pola nosa cultura. Xa que ninguén poñerá
en dúbida a inexistente galeguidade destas bandas. Son todo menos
galegas. Pero como di moita xente, chaman a atención, son moi bonitas
e quedan moi ben. É o que se busca. Pasan os anos e os que saben que
todo é un engano tamén semellan pasar de todo. O CDG leva anos
informando á xente e as cousas non melloran. Ó contrario. E non
cansaremos de dicir que o que está a acontecer neste País no tocante
a esta cuestión non ten perdón nin é normal. Os políticos manexan os
cartos do pobo ó seu antollo, sen asesorarse previamente do que
> están a asinar. Dentro duns anos, cando este fenómeno sexa
totalmente asumido como propio, chegarán as lamentacións. Será porque
ninguén informa. Será porque ninguén avisa. Será porque ninguén di
nada. O refraneiro popular di que quen avisa non é traidor…Os
traidores son os que agora calan e defenden a súa "verdade", con
intereses para o seu propio beneficio. Políticos e tocadores de gaita
(que non gaiteiros). Sen ningunha distinción.
>
> Colectivo en Defensa da Gaita. A Coruña
>
>
>
> ---------------------------------
>
> LLama Gratis a cualquier PC del Mundo.
> Llamadas a fijos y móviles desde 1 céntimo por minuto.
> http://es.voice.yahoo.com
>
> [Se han eliminado los trozos de este mensaje que no contenían texto]
>