[nota: adjuntamos la nota que sacaron los compañeros del diario digital
"codigo cero" sobre Salva Dávila. Sentimos que esté en gallego para todos
aquellos que no lo entendáis. Saludos. Pascual Roel]

La información se puede visitar en: http://www.codigocero.com/nova.php?ID=5150

Decodificador.tk lanza campañas na Rede para que os afeccionados elixan se
un disco se edita ou non

Se alguén nos dicía a mediados dos 80, cando mercabamos un vinilo, que
aquel obxecto pasaría en breve a ser substituído por outro soporte de tipo
dixital e que co tempo sería unha peza de museo, non dábamos crédito. O
mesmo ocorrería se alguén nos dixera que a industria discográfica entraría
nunha crise irreparable por culpa dese novo soporte. O sector da música nin
sequera é o mesmo agora que a mediados dos 90. Internet cambiou para sempre
a música. Os artistas tratan de adaptarse ó novo estado de cousas, agora
que as casas discográficas parecen editar só o estritamente comercial.
Músicos como Salva Dávila (na imaxe), do que falamos a continuación, que
está recoller sinaturas para poder facer o que máis lle gusta: compoñer
cancións e amosarchas.

Segundo a web Decoficador.tk, este que vivimos é o momento do “novo
pop-rock español”. Hai unha grea de músicos novos e con talento que, na súa
meirande parte, desenvolven a súa actividade por Internet, a través de
páxinas webs, dos seus foros, dos seus mails e dos seus contactos. “Son ese
futuro que está emerxendo e que escribirán o devir musical do país. Son
bandas e solistas que teñen pouco en común pero que, en conxunto, son o
relevo do que virá”.

E que o que virá? Pois un panorama musical moi variado onde o consumidor, o
oínte, terá voz e voto, participará máis activamente no que se edita e no
que non. É dicir, ata o de agora eran os produtores, os locutores, os
directivos de discográficas e os críticos os que decidían que saía ó
mercado. Pero, coas novas tecnoloxías, o consumidor final tamén participa
no proceso.

Un exemplo disto é o que está a ocorrer co músico Salva Dávila, do que se
pode baixar unha maqueta de balde neste enderezo, co fin de que a súa arte
sexa valorada polo público (se che gusta, asina, e xa hai 824 sinaturas).
Segundo Decodificador.tk, “este novo ámbito de decisión fixo posible en boa
medida o regreso de boa parte dos grupos dos oitenta, e agora queren facer
valer a súa opinión para que a maqueta dun artista como Salva sexa
escoitada e tida en conta por medios de comunicación e discográficas”.



[Se han eliminado los trozos de este mensaje que no contenían texto]