Kaixo, lagunok:

Aurki, euskara hutsezko lehen bilatzailearen bertsio berria hementxe
daukagu, domeinu eta guzti, Aurki.com: http://www.aurki.com

Bilatzaile hau America Online [AOL] enpresaren Open Directory Project [ODP]
bilatzailea euskarara adaptatzetik sortu da. ODP-ko direktorioan euskarazko
adarra sortzeko eskatu genuen Eibar.ORG elkartetik, adar hori hornitzeko
geure burua eskainiz. Halaxe joan da edukiz hornitzen bilatzailea.

Edukiez gain, interfazeak ere euskaratzeko lanean dihardugu orain. Ikus
informazio gehiago hemen: http://www.aurki.com/euskaratzen.shtml

Aurki-n euskarazko edukiak daude zerrendatuta, eta bilaketako aukera
lehenetsiak horietxek aurkitzen ditu. Hala ere, AOL-en direktorio osoaren
datuak daudenez sartuta datu-basean, beste hizkuntza batzuetako emaitzak
ere aurkitzen ahal dira. 1.6 milioi link ingelesez, adibidez,: atal ez
komertzialetan Yahoo baino emaitza hobeak ematen ditu horrek.

Horren ondorioz, Nafarroari dagokion euskarazko bertsioaz gain,
gaztelaniazkoa ere hortxe dago. Ikus atal hauen loturak:

http://www.aurki.com/cgi-local/pod.cgi?dir=/World/Euskara/Euskal_Herria/Nafarroa
/

http://www.aurki.com/cgi-local/pod.cgi?dir=/World/Espa%f1ol/Regional/Espa%f1a/Co
munidades_Aut%f3nomas/Navarra/

-----

Aurki eta ODP proiektua software librearen printzipioaren gainean dago
eraikia. Linux dena sistema eragileetan, ODP da bilatzaileen alorrean.
Doako bilatzailea da, beraz, Aurki. Beste bilatzaile batzuk ere doan direla
dirudi, baina ez da egia, prezioa daukate. Esate baterako, Yahoo-n bilaketa
egitea doan da, baina Yahoo-ko edukiak ez dira doakoak, Yahoorenak dira,
eta ez dizkio inori musutruk ematen. Zuk Yahooko emaitzak ikusteko,
Yahoo-ra joan behar duzu. Zerbitzari eta web proiektu batzuek erabiltzen
dituzte Yahoo-ren datuak (Canal21-k kasu), baina ordainduta. ODP
erabiltzea, berriz, libre da.

Aurki Eibar.ORG elkartearen ekimen bat da. Internet eta Teknologia Berrien
Erabiltzaileen
Elkarte hau 1999ko urrian sortu zen. Elkartearen ekimenen artean: Eibarko
Peora edo ataria [http://www.eibar.org], Eibartarrak posta-zerrenda
[http://www.egroups.com/messages/eibartarrak] eta Aurki bera ditugu.


-----------------

Aurki-ren aurkezpen publikoa maiatzaren 3an izango da, asteazkenean.
Gipuzkoako Foru Aldundiko Kultura sailak eratutako Euskal Ziberkulturaren
Behatokiaren zikloaren barruan izango da hori.

Komunikabideentzako, 11.30etan, eta jendearentzako, 19.30etan, Donostiako
Koldo Mitxelena Kulturunean.

Luistxo

__________
Aurki, euskara hutsezko bilatzailea: http://www.aurki.com
euskaraz ezer aurkitzeko, "letra bat ken, izarño bat gehi (*)"