Ez dakit zergatik ateratzen dituzten horrenbertzeko kalapita eta asaldura nafar
instituzioneek euskarari buruz hartu dituzten hondar deliberazioneek, zerengatik
nafarrek berek hartutako erabakiak dira, eta demokrazia zein populuaren erranak
goititzen dituzuen guzi horiek errespetati beharko zenituzkete beroriek.
Demokraziarik
bererik segitzen da nafarrek berek behar dutela erran luzaz kolpati ondoan
euskara
zerraldo batean sartu eta bertze mintzaira batez ordezkati nahi dutenetz. Hauxe
nahi dute, itxura, bertzeak bertze, UPN amorratuki bozkatu eta eguna joan eguna
etorri begiak edeki-edekiak dituztela 'Diario de Navarra' leitzen segitzen
dutelakoz.
Ba, gutariko zenbaitek euskaragatik negar eginen dukegu, baina hortixe aitzina
jai ere ez da egin behar. Ene idurikoz.

Hemen ere, sartaldeko Euskal Herrian, 'peneuveroek' CAV derizkuten honexetan,
zer edo zer iduritua deliberetiko bagenu, hau da, euskara poparik hartzea, edo
euskara eta gaztelania, biak, akerrak jetzi edo astañaren hazia edatera
igortzea,
beroriek bertze hizkuntza batez kanbietuz, nehork ez liguke jai egotzi beharko.
Ni, behinik behin, prest naukazue, Joxemai Aznarrek erraten duena erraten duela,
koreanoz edo morsez mintzetzeko. Eta alegia, oroit gaitezen hagitzez hurbilagoa
dagoela PPk bozak hemen berean irabazteko posibilitatea, eta hauek ez lukete
(ala bai?) koreanoa hezkuntzan paratiko. Dena dela, neri bortz bozak zeinek
irabazten dituen. Gainera, gaztelaniaren kontra ez nago batere, ene 'hizkuntza
nazionala' da eta, ene ama hizkuntza, alegia ('nazione' eleak latinezko
'nascere'
aditza du etorki).

Juan Luis Fernandez Gutierrez, PAIDEIAkoa


Lortu zure euskal posta: http://www.jalgi.com