Claude Levi-Strauss mortis dum la 28 novembro 2009

Claude Levi-Strauss naskis 101 yari antee, 28 novembro 1908. On konocas da lu
multa verki ciencala, precipue en cienca humana, antropologia ed etnologia. Il
esis un de la pioneri de la strukturalismo", movemento de pensado sat
importanta di la yari cirkume 1950.
Depos lua unesma labori pri la aborigeni di Brasil, quin lu studiabis dum inter
1935 ed 1939 en lia lando, il produktis verko ciencala di qua la kontributi
agnoskesis da la komuneso ciencala internaciona. Ma lua libreo "Tristes
tropiques" (Trista tropiki) publikita en 1955, donis a lu un publiko plu granda.
To ne esis vere libro ciencala per lua formo, ma memoraji de voyaji mixita kun
meditaji, tamen ne libro de voyaji, mem la autoro dicis en la komenco : " me
odias la voyaji e la exploreri".
La libro tradukesis en 27 lingui, ta maxim-vendato divenesis refereso por
generacioni de etnografiisti.