Ola:

Anunciovos que vai haber un magosto en "Os Teixois" o día 12 de novembro,
sábado. Apuntadeo na axenda, a cita oficial é as 20.00h. Aconséllovos ir
porque vai haber moito ambiente de
música e xente. Non sei si temos falado deste lugar, é un caserío a poucos
kilómetros de Taramundi no que hai un centro etnográfico con mazo e varias
dependencias propias do
oficio de ferrreiro, tan típico na zona. Hai cantina e varios lugares para
acoller á xente que seguramente ateigará o lugar. O entorno é unha
marabilla, con moito verde e unha orografía abrupta, arquitectura rústica
ideal para pasa-lo día paseando por alí e rematar no dito magosto. Acudirán
gaiteiros da zona: Nela de Bres, Ovidio de Cartea, Otilio de A Burela,
Manuel de Avilés, Constantino de Pasarón, Firme de Batribán, Modesto de
Murias, César de Queixoiro e seguramente outros máis. Xa non conto os novos,
por decilo dalgunha maneira, entre os que están normalmente xente de Xistra
de
Coruxo e outras pandillas de Vigo, Pablo Seoane, Juan Carlos de Taramundi e
un longo etc.

Aproveitarein para facer un artigo sobre o lugar e o magosto. O que queira
saír na foto ...

Xa se me esquecía, as castañas están boas.

Saúdos
Juanjo Fernández
www.agaitadofol.com